Я, пар. Иегованың киречілерінің аразында прай чир ӱстӱнде миллионар священнослужитель-ипчілер пар. Олар Хан-ӱлгӱдеңер чахсы хабарны искірчелер. Псалом 68:11-де олардаңар ухаанҷылас пазылча: «Чахсы хабарны искірчеткен ипчілер улуғ войско».

Че Иегованың киречілері полчатхан ипчілерні духовнай сан пирілген ипчілернің тиңнестірерге чарабас. Оларның нымысчыланызы саңай пасха. Нименең?

Пастағызын, олар кемні ӱгретчелер? Кӧбізін христианстводағы священнослужитель-ипчілер тигіриб істінде устапчалар паза андар чӧрчеткен кізілерні ӱгретчелер. Иегованың киречілері полчатхан ипчілер кӧбізін ӧме тастында Худай Сӧзін искірчеткен туста учурапчатхан кізілерні ӱгретчелер.

Ікінҷізін, олар хайдағ тоғыс итчелер? Священнослужитель-ипчілер тигірибде устапчалар паза религиознай догматтарға ӱгретчелер. Иегованың киречілері-ипчілер, тізең, кіреске тӱскен ир кізілер пар полза, ӧмеде ӱгретпинчелер. Иегованың киречілерінің ӧмелерінде ир кізілер ле ӱгретчелер (1 Тимофейге 3:2; Иаковтың 3:1).

Библия хоостыра, ӧмеде устирға ир кізілер ле турғызылчалар. Павел Титке, христианскай ах сағалға, ниме пасханын кӧр кӧреелер: «Мин сині Крит олтырыхта... тигіриб ах сағалларын турғыс саларға халғыс салғам». Павел ӧмеде устапчатхан ир кізі «пырозы чох, ипчізіне киртістіг» поларға кирек теен (Титке 1:5, 6). Андағох устағлар Павел Тимофейге пічікте пас салған: «Тигірибнің устағҷызы поларына кӱстенгені чахсы тоғысха сабылғанын таныхтапча. Че тигіриб устағҷызы арығ, ипчізіне киртістіг... чахсы ӱгрет пілчеткен... поларға кирек» (1 Тимофейге 3:1—3).

Ноға ӧмеде ир кізілер ле устирға киректер? Павел чарыда чоохтапча: «Ипчілерге, ирлерін ӱгредіп, ӱлгӱ тударға чаратпинчам, тапсабин одырзыннар. Пурун Адам чайалған нооза анаң Ева» (1 Тимофейге 2:12, 13). Худайның сағызы хоостыра, ир кізінің ипчі кізідең пурун чайалғаны ир кізі ӧмеде ӱгредерге паза устирға кирек полчатханын кӧзітче.

Иегованың киречілері ӧменің Пазы, Иисус Христос, артыс пирген кӧзідімҷе тудынчалар. Иисустың нымысчыланызына ниме кірген? Лука ӱгренҷі пас салған: «Иисус, саарларҷа паза аалларҷа Худай хан-ӱлгӱзінеңер Чахсы Хабарны искір чӧріп ӱгреткен». Иисус ӱгренҷілеріне олох тоғысты идерге чахаан. «Ӱгренҷілері аалларҷа чӧр сыхханнар. Олар, Чахсы Хабардаңар чоохтааннар» (Лука 8:1; 9:2—6).

Амғы туста Иегованың киречілері — ир кізілер дее, ипчі кізілер дее — Иисустың ухаанҷылас сӧзін толдырып, ол тоғыста араласчалар. Ол ухаанҷылас Матфей 24:14-те пазыл парған: «Че пастап, пу Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар. Анаң на тӱгенҷізі килер».