НИНҶЕ-НИНҶЕ миллион христианнар Кӧледені ӱлӱкӱннебинібіскеннер. Олар аның ӱчӱн ачырғанчалар ба? Аарлығ ниме чідір салдым тіп сағынчалар ба? Оларның палалары аның ӱчӱн хомзынчалар ба? Аймах-пасха хазналардағы Иегованың киречілері аннаңар ниме чоохтапчатханнаңар хығырып алыңар.

Иисусты сағысха киргені. «Мының алнында мин тигірибзер чӧрбеҷең дее полғам. Кӧледе паза Хызыл нымырха тузында ла пірееде пар килҷең полғам. Че ол туста даа мин Иисус Христостаңар сағынмаам. Ам, тізең, мин Иегованың киречізі пол парғам. Кӧледені ӱлӱкӱннебинчем, че неделяда ікі хати христианскай чыылығларға чӧрчем паза Библияда Иисус Христостаңар ниме чоохтапчатханына кізілерні ӱгретчем (ЕВА, АВСТРАЛИЯ).

Сыйых сыйлааны пирчеткен ӧрініс. «Мин сағыбаан туста сыйыхтар аларға уғаа тың хынчам. Позым даа пасха кізілерге открыткалар идерге паза, хоостар хоостап, сыйлирға уғаа тың хынчам. Анзы оларның кӧңнін кӧдірче паза мағаа даа ӧрініс ағылча» (РУБЕН, АЛТЫНЗАРЫХ ИРЛАНДИЯ).

Кирексінчеткеннерге полызығ. «Піс ағырчатхан кізілерге чіҷең ниме тимнирге уғаа тың хынчабыс. Оларның кӧңнілерін кӧдірер ӱчӱн, пірееде чахайахтар, тадылығ халастар алай улуғ нимес сыйыхтар сыйлапчабыс. Андағ нимелер идер ӱчӱн, чылда хайдағ-да кӱнні сағирға кирек чоғыл. Анзы уғаа чахсы» (ЭМИЛИ, АВСТРАЛИЯ).

Туған-чағыннарнаң тоғасханы. «Прай сӧбіренең чыылыссабыс, пістің палаларыбыс тайыларынаң паза кӧйілерінең, кирі пабаларынаң паза кирі іҷелерінең, харындас-пиҷелерібістің палаларынаң танысчалар. Піс сӧбірелерібіснең хайдағ-да ӱлӱкӱнде ле нимес, олаңай даа кӱннерде тоғасчабыс» (УЭНДИ, КАЙМАНОВАЙ ОЛТЫРЫХТАР).

Амыр чуртас: «Кӧледе тузында кізілер уғаа маң чохтанчалар, аннаңар амыр чуртастаңар сағынминчалар даа. Библия кізілерге хайдағ чуртас молҷапчатханын мин пілчем, аннаңар минің чӱреемде амыр. Мин ікінҷілебинчем: минің палаларымны часкалығ чуртас сағыпча» (САНДРА, ИСПАНИЯ).