Библияның пістің тусха читкені уғаа хайхастығ. Амғы туста полған на кізінің Библияны хығырып аларға оңдай пар. Чахсы тілбестілген Библияны таллап алзар, ол оригиналға a килісчеткенінде ікінҷілебеске чарир. Библия анҷа ырах туста пазылған полза даа, хазыр тоғырланыстар полған ползалар даа паза тексттің смыслын алыстырыбызарға кӱстенген ползалар даа, ол пістің тусха читкен. Нименің сылтаанда ол пістің тусха читкен? Ол кинде пасха кинделерге нименең тӧӧй нимес?

Библияны хығырчатханнарның кӧбізі, Павел илҷі чіли, мындағ сағысха килген: «Прай Ызых Пічиине Худай тын кирче» (2 Тимофейге 3:16). Библия ол Худайның Сӧзі паза Худай ол киндені пістің тусха читіре хайраллаан, аннаңар аның алыспаанында олар ікінҷілебинчелер. Пу брошюраның пастағы статьязындағы Файзал, позы факттарны істезіп, Библияны ӱгренген. Ол піліп алған ниме аны хайхатхан. Файзал Библияда христианскай чир-чалбахта тарап парған ӱгредіглер чоғын кӧр салған. Библияның Худай чирде райны хатап турғыс салар тіп молҷаа аның чӱреене теңен.

Ол теен: «Амды Библия Худайның сыйии полчатханында мин ікінҷілебинчем. Худай илбек тилекейні чайап салғанда, позының Сӧзін кізілерге читіріп, аны хайраллирға полыс пирген нимес пе? Анзына киртінминчеткеннер Худайның кӱзінде ікінҷілепчелер. Кемзім мин Худайның кӱзінде ікінҷілирге?» (Исаия 40:8).