НОҒА АНЗЫ ААРЛЫҒ. Библияны ӱгренчеткен кізі Библия ӱгредиине тимнензе, ағаа материалны оңнирға паза ундутпасха ниик арах полар. Нинҷе кӧп ол оңнап алча паза нинҷе кӧп піліс аның сағызында халча, анҷох табырах ол духовнай саринаң ӧсче. Духовнай саринаң сиргек халар ӱчӱн, ағаа христианскай чыылығларға паза нымысчыланысха тимненерге кирек полар нооза, аннаңар ол кӧнігіс ағаа кіреске тӱскен соонда даа туза полар (Мф 25:13). Іди Библияны істезіп оңнааны паза сыбыра ӱгренҷең график — чахсы духовнай хазыхтың прай чуртасха тӧстии. Аннаңар иң пастағызынаң сығара кізее Библияны ӱгренгеніне тимненерге кӧнігісті тилідерге полыс пирерге кирек.

ХАЙДИ АНЗЫН ИДЕРГЕ:

• Чахсы кӧзідім пол (Рм 2:21). Полған на ӱгредіге ӱгренчеткен кізінің кирексіністерін санға алып тимнен (km-U 11/15 3 с.). Планыңда позың пасхан комментарийлерні кӧзіт пир.

• Тимненерге кӧӧктір. Иң пастағызынаң сығара тимненгені Библияны ӱгренгенінің чардығы полчатханын, ідӧк андағ тимненістің тузазынаңар чоохтап пир. Маң чох полза даа, тимненерге хайди тус таап аларынаңар тузалығ чӧптер пир. Нандырығлар алтынаң сиил парған ползалар паза анда комментарийлер пазыл парған ползалар, теманы піліп аларға нинҷе ниик полчатханын кӧрзін тіп, ӱгредіг тузында пірее искірігҷілер ӱгренчеткен кізее постарының ӱгренҷең материалын кӧзітчелер. Ӱгренчеткен кізі тимнен салған полза, аны махта.

• Хайди тимненерге кӧзіт пир. Пірее искірігҷілер анзына пастағы ӱгредіглернің пірсіндӧк ӱгретчелер.