25:1—12

Иисус он хыстардаңар кип-чоохты позының соонҷа парчатхан таңмалалғаннарға чоохтаан полза даа, ол кип-чоох прай христианнарны кӧп нимее ӱгрет полар (bw556-U 12—16 с.). Иисус теен: «Сірер Кізі Оолғының килер кӱнін дее, тузын даа пілбинчезер, аннаңар сиргек полыңар» (Мф 25:13). Пу кип-чоохты чарыда чоохтап поларзың ма?

• Ипчі алчатхан оол (1 стих): Иисус.

• Уғаа хыйға хыстар (2 стих): оларға пирілген чахығны таңмалалған христианнар киртістіг толдырарға тимделер; олар тӱгенҷізіне читіре, чарытхы чіли, чарыпчалар (Фп 2:15).

• «Ипчі алчатхан оол килир» тіп хысхырғаны (6 стих): Иисустың килгеніне киречілестер.

• Нимее чарабаан хыстар (8 стих): ипчі алчатхан оолны удурлирға сыхчатхан, че сизіктіг полбаан ӱчӱн, киртістіг халбаан таңмалалған христианнар.

• Уғаа хыйға хыстар хайахнаң ӱлеспинчелер (9 стих): киртістіг христианнар, халғанҷы таңма турғызылған соонда, киртістіг халбааннарға паза полыс полбастар.

• «Ипчі алчатхан оол чиде салған» (10 стих): Иисус илбек чобағ тоозыларына чарғы идерге килче.

• Уғаа хыйға хыстар ипчі алчатхан оолнаң хада той пайрамына кірчелер, оларның соонҷа ізік чабыл парча (10 стих): Иисус киртістіг халған таңмалалғаннарны тигірде чыып алча, киртістіг халбааннары, тізең, тигірдегі сыйыхтарын чідір салчалар.