Пурунғы еврейлер тілінең «Вефиль» «Худай туразы» тіп тілбестілче (Бытие 28:17, 19, сноска). Ол искіріг кирегіне хабазар ӱчӱн пӱдірілген комплекстерге уғаа килістіре ат. Иегованың киречілерінің андағ комплекстер прай чир ӱстӱнде пар. Устапчатхан чӧп тилекейдегі ӧӧн устағда Американың піріккен штаттарында, Нью-Йорк штатта орныхча. Андартын аймах-пасха хазналардағы филиалларның тоғыстары усталча. Вефильлерде нымысчы полчатханнарны кӧбізін Вефиль сӧбірезі тіп адапчалар. Улуғ, ынағ сӧбіредегі чіли, Вефильдегілер хада чуртапчалар, хада тоғынчалар, хада азыранчалар паза хада Библияны ӱгренчелер (Псалом 133:1).

Полғаны ла позына тартынмин, пір сӧбіре чіли тоғынып, пасхаларына нымысчыланчалар. Вефильдегілер постарының прай тустарын паза кӱстерін Худайның кӧңнін толдырарына паза Хан-ӱлгӱнің киректеріне нымысчыланарына пирчелер (Матфей 6:33). Оларның пірдеезі чал ахчазын албинча, че прайзына чуртаҷаң орын, чиис паза постарының хорадағларына кӧп нимес ахча пирілче. Вефильде полған на кізі хайдағ-да пӧлікте нымысчыланарға турғызылча. Кем-де офисте, кем-де чиис итчең алай азыранҷаң орында тоғынча. Кемні-де типографияда алай переплетнай цехте тоғынарға, піреезін чуртаҷаң орыннарны арығлирға, кип-азах чуурға, пірее ниме тыхтирға паза пасха даа аарлығ тоғыстар идерге турғысчалар.

Хан-ӱлгӱні искірер киректі айныдарына прай кӱс салылча. Полған на Вефильнің алнында турчатхан ӧӧн кӧстег,— кӧп арах кізіні Библиядағы сыннаң таныстырарға. Пу брошюра ағаа кӧзідім полча. Аны пазарында Устапчатхан чӧп араласхан, прай чир ӱстӱндегі чӱзер тілбестеҷең группаларзар электроннай оңдайнаң ызылған, нинҷе-де Вефильдегі типографияларда уғаа табырах тоғынчатхан тирігнең сазынға сығарылған, анаң 110 000 азыра ӧмелерзер ызылған. Прай тоғыстарның иң аарлығ тоғысха, чахсы хабарны искіреріне хабазып, Вефильнің нымысчылары ол чолның полған на кизегінде кӱстеніп тоғынғаннар (Марк 13:10).

• Кем Вефильде тоғынча паза хайдағ ахчаа олар чуртапчалар?

• Вефиль нимее кирек?