Библияны чахсы арах піліп аларға пірее теманы істезерге хынарҷыхсар ба? Арса, хайдағ-да библейскай стихті піліп аларға хынча поларзар? Алай Библияда чоохталчатхан пірее кізідеңер, саардаңар алай пірее нимедеңер кӧп арах піліп аларға хынчазар ба? Алай пос сидіктерні тобырып аларға Библияда тӧстелген чӧп кирек? Андада Иегованың киречілерінің залындағы библиотеказар кір кӧріңер.

Істезерге уғаа кирек тиріг. Иегованың киречілерінің пічіктерінің піреелері сірернің тіліңернең чох таа полар. Че олар Залдағы библиотекада пар даа поларлар. Библиотекада публикациялар сыбыра хозылып ла одырчалар. Пістің пічіктерге хоза, анда Библияның пасха-пасха тілбестеглерін, сӧстіктерні паза энциклопедияларны таап поларзар. Чыылығ алнында паза соонда библиотека прайларына азых.

«Чуртас паза нымысчыланыс» тоғазығдағы ӱгредіг чардығына тимненчеткеннерге, прайзына, аарлығ полызығ полча. Ӱгредіг чардығына тимненчетсе, Залдағы библиотеканаң тузаланарға чарир. «Чуртас паза нымысчыланыс» тоғазығның устағҷызы алай Библияны сірернең хада ӱгренчеткен кізі сірерге кирек нимені хайди таап аларға кӧзіт пирер. Библиотеканың кинделерін Залнаң сығарарға алай ол кинделерде сиирге чарабас. Кинделернең сибер тузаланарға кирек.

«Чазыр салған алтын-кӱмӱстерні» хайди тілепчелер, «Худайдаңар пілісті» ідӧк тілирге кирек тіп Библияда чоохталча (Притчи 2:1—5). Иегованың киречілерінің залындағы библиотека андағ тілег идіп пастирға полызар.

• Залның библиотеказында ниме таап аларға чарир?

• Библиотеканаң хайди тузаланарын кем сірерге кӧзіт полар?