Пістің Заллар Иегованың адынаң адалчалар, аннаңар оларны арығ паза иптіг тударын улуғласха санапчабыс. Иегованың киречілерінің залын арығлааны паза тыхтааны — Худайға нымысчыланызыбыстың аарлығ чардығы. Прайларына араласчаң оңдай пар.

Чыылығ соонда Зал арығлирға халчабыс. Полған на чыылығ соонда Зал арығлалча. Неделяда пір хати Залны чахсы арах арығлапчалар. Ах сағалларның алай нымысчы полысчызыларының пірсі, залны арығлирға пирілген устағнаң тузаланып, Зал арығлирға халғаннарға тоғыстар пирче. Харындас-пиҷелер пол сыбырчалар, чуупчалар алай пылесосить полчалар, тозын чысчалар, стуллар тӱзеде турғысчалар, туалеттер чуупчалар паза дезинфицировать полчалар, сӱлейке ізіктерні паза кӧріндестерні чысхылабысчалар, похсахтарны сығарыбысчалар паза Зал ибіре прай иптеп салчалар. Чылда пір хати алай анаң даа удаа Залны прай тиксі арығлап салчалар. Палаларға пірее тоғыс пиріп, піс оларны пістің чыылчатхан орыныбысты улуғлирға ӱгретчебіс (Экклезиаст 5:1).

Тыхтирға полысчабыс. Чыл сай Залның істін паза тастын план хоостыра сыныхтапчалар. Залларны сыбыра чахсы кӧргені, оларны чахсы оңдайлығ тударға полысча (2 Летопись 24:13; 34:10). Анзы артых хорадығлар итпеске полысча. Арығ Зал, хайда прай нимезі чахсы тоғынча,— пістің Худайыбысха пазырарға турыстығ орын. Пістің Залыбысты тыхтирында паза арығлирында аралазып, піс Иеговаа хынчатханыбысты паза аның адынаң адалчатхан орынны улуғлапчатханыбысты кӧзітчебіс (Псалом 122:1). Ағаа хоза, арығ, сіліг Зал ибіркі кізілерге чахсы киречілес полча (2 Коринфтегілерге 6:3).

• Ноға Иегованың киречілерінің залын ипти-оңдайли тударға уғаа кирек?

• Хайди піс Залны арығ тутчабыс?