Иегованың киречілерінің піреезін таныпчазар ба? Арса, олар сірернің хончыхтарың, хада ӱгренчеткен, хада тоғынчатхан кізілер алай сірернең хада Библияны ӱгренчеткен кізілер полчалар. Че кемнер олар Иегованың киречілері? Ноға олар постарының киртіністерінеңер пасхаларына чоохтапчалар?

Піс олаңай кізілер. Иегованың киречілері — ол аймах-пасха национальностьтарнаң, культураларнаң паза чуртастың аймах-пасха синінде чуртапчатхан кізілер. Пістің піреелері мының алнында пасха религияларда полғаннар, піреелері, тізең, Худайға пір дее киртінмеенер. Че Иегованың киречізі пол парар алнында, піс прайзыбыс Библияның ӱгредіглерін ситкеп істескебіс (Илҷілернің 17:11). Ол пілістер пісті киртіндіргеннер, іди піс, пілініп, позыбыстың чуртазыбысты Иеговаа пирібізерге пӧгін алғабыс.

Піс Библиядағы пілістерні аарлыға санапчабыс. Пістің прай кізілерни осхас сидіктер паза хылиибыстың хомай сарилары пар. Че Библиядағы принциптер хоостыра тудынарға кӱстенчеткен ӱчӱн, пістің чуртазыбыс илееде чахсыланча паза піс уламох часкалығзыбыс (Псалом 128:1, 2). Анзы ноға піс Библиянаң піліп алған нимелернеңер пасхаларына чоохтапчатханыбыстың сылтағларының пірсі.

Піс Худайның нормаларының хоостыра чуртапчабыс. Ол нормалар Библияда пазыл парғаннар. Олар пістің чуртасты чахсы итчелер, пасхаларын улуғлирға, сын тудынарға паза паарсах поларға ӱгретчелер. Олар кізілер аразында иптіг чуртирға полысчалар, кізілернің ах-арығ тудыныстарын паза сӧбіре аразындағы палғалысты тыытчалар. «Худай кізінің сырайын таллабинча», аннаңар піс расалар аразында паза политикада удур-тӧдір хырт кӧрчеткенінең пос полчабыс. Иегованың киречілері — чоннар аразындағы сын, пик палғалыстығ сӧбіре. Анда прайзы Худайның сӧзін аарлапчалар. Піс олаңай кізілер ползабыс таа, піске тӧӧй чон чир ӱстӱнде чоғыл (Илҷілернің 4:13; 10:34, 35).

• Ноға Иегованың киречілерін олаңай кізілер полчалар тіп чоохтирға чарир?

• Библиянаң піліс алғанда, Иегованың киречілерінің чуртастары хайди алыс парған?