Иегованың киречілерінең танызып аларға паза пу брошюраны істезерге тус тапхан ӱчӱн, піс сірерні алғыстапчабыс. Аның сылтаанда сірер пістің киректерібісті піліп алғазар паза пістің организацияның тоғынчатханын кӧріп алғазар. Анзы кем Иегованың кӧңнін толдырчатханын піліп аларға сірерге полыс пирді тіп ізенчебіс. Піс сірерні анаң андар Худайдаңар піліс аларға, алған пілістернең туғаннарыңнаң паза нанҷыларыңнаң ӱлезерге паза христианскай чыылығларға сыбыра чӧрерге кӧӧктірчебіс (Еврейлерге 10:23—25).

Иегованаңар кӧптең кӧп піліп одырзаң, ол сағаа хайди тың хынчатханын анҷаох кӧп сизінерзің. Ол сірерге хынчатханын пілінзер, аның хынызына ӱндезерге кӧңніңер кӧдірілер (1 Иоанның 4:8—10, 19). Че позыбыстың кӧңнібісті хайди кӧзіт пирерге? Ноға Худайның нравственнай нормаларынҷа чуртирға уғаа кирек? Худайның кӧңнін толдырарға посты хайди кӧӧктіріп аларға? Сірер паза сірернің сӧбіреңер мӧге чуртасты сахтап, Худайның хынызында халар ӱчӱн, сірернең хада Библияны ӱгренчеткен кізі ол сурығларға нандырығлар таап аларға ӧрініснең полыс пирер (Иуданың 21).