Кӧп чыллар Иегованың киречілері Библияның аймах-пасха тілбестеглерінең тузаланғаннар, оларны сығарғаннар паза таратханнар. Нинҷе-де тус пазынаң, наа тілбестег кирек полчатханы кӧрінген. Ол тілбестег сыннаңар хап-орта піліс аларға кізілерге чахсы арах полызарҷых. Анзы Худайның кӧңніне кірче нооза (1 Тимофейге 2:3, 4). Іди 1950 чылдох амғы английскай тілнең «Наа мир тілбестеенінің» пастағы чардығы сыххан. Пӱӱн ол орта паза пілдістіг тілбестег 130 азыра тіллерде пар, орыс тілі ідӧк оларның санында.

Оой піліп алҷаң Библия кирек. Нинҷе-де тус пазынаң хайдағ даа тіл алысча, аннаңар тілбестеглерде пілдістіг нимес, иргілен парған сӧстер учурапчалар, ол тілбестеглерні нааҷылирға кирек полча. Ағаа хоза, амғы туста Библияны иң не пастап пасханына чағын, пурунғы холнаң пазылған пічіктер табылғаннар, олар, тізең, арамейскай, пурунғы еврейскай паза грек тіллернең пазылған библейскай тексттерні чахсы арах піліп аларға полысханнар.

Худай Сӧзін орта читірчеткен тілбестег кирек. Библияны тілбестепчетселер, тілбестегҷілерге хайди хынчалар тілбестирге чарабас. Олар Худай пастырған сӧстерні хап-орта тілбестирге киректер. Ачырғастығ, че Ызых пічіктің кӧбізі тілбестеглердең Худайның Иегова тіп ады чох иділген.

Позының Авторын сабландырчатхан Библия кирек (2 Самуила 23:2). Холнаң пазылған пурунғы пічіктерде Иегованың ады 7 000-ҷа хати учурапча. Андағ пічіктернің пір кизегін алтында кӧрібізерге чарир. Ол пічіктернің прай орыннарында учурапчатхан Иегованың ады «Наа мир тілбестеенінде» хатап пазыл парған (Псалом 83:18). Іди, кӧп чыллар тирең істескен сылтаанда, Худайның сағыстарын хап-орта читірчеткен тілбестег пол парған. Андағ Библияны хығырарға уғаа истіг. Сірернің тіліңерде «Наа мир тілбестеені» пар алай чох полза даа, сірерні Иегованың Сӧзін кӱннің сай хығырарға кӧӧктірчебіс (Иисус Навин 1:8; Псалом 1:2, 3).

• Ноға Иегованың киречілері «Наа мир тілбестеенін» сығарарға пӧгін алғаннар?

• Худайның кӧңнін піліп аларға хынчатхан кізее хайдағ кӧнігісті тилідерге кирек