Пу брошюрадағы сомнарда Иегованың киречілері чыылығларынзар иптіг тонанчатханнарын сизінген поларзар? Ноға кип-азаабысха паза тастындағы кӧрімібіске анҷа кӧп хайығ салчабыс?

Пістің Худайыбысха улуғлас кӧзідер ӱчӱн. Худайға кізінің хылии омазынаң аарлығ полчатханы сын (1 Самуила 16:7). Че хаҷан Иеговаа пазырарға парарға тимненчетсебіс, ағаа паза пістің пір киртіністіглерге улуғлас кӧзідерге тың хынчабыс. Президент алнында турарға киліскен полза, аны улуғлап, хайди тонанарға прай хыринаң сағынып аларҷыхсабыс, неке. Андағох оңдайнаң христианскай чыылығларыбыста пістің тастындағы кӧрімібіс «Мӧгі тустың Ханын», Иегова Худайны, паза піс аны сабландырчатхан орынны улуғлапчатханыбысты кӧзітче (1 Тимофейге 1:17).

Худайның пӧзік нормаларына килістіре полар ӱчӱн. Библия христианнарны «ипти-оңдайли килістіре» паза сах сағыстығ тонанарға кӧӧктірче (1 Тимофейге 2:9, 10). «Ипти-оңдайли килістіре» тонанғаны иртіре хайығ тартчатхан, иртіре азых паза хомай сағыстар сығарчатхан кип-азахтарны киспеенін таныхтапча. Сах сағыс, иртіре полбин, пос кӧңнінҷе, сіліг тонанарға полызар. Пу принциптернең сыхпин, пістің аймах-пасха тонанҷаң оңдай пар. Иптіг паза пос кӧңнінҷе тонанып, піс «Арачылағҷы Худайыбыстың ӱгредиин» чазирбыс паза Аны саблирбыс (Титке 2:10; 1 Петрның 2:12). Хайди піс чыылығларзар тонанчабыс, анзы Иеговаа пазырчатханына пасхалары хайди кӧрчеткеніне теелер дее.

Сірернің чазанҷаң кип-азах чох полза, пичелленмеңер! Иегованың киречілерінің Залында сірерге хаҷан даа ӧрінерлер. Кип-азах арығ ла паза иптіг ле полза, чахсы полар.

• Піс христианскай чыылығларзар хайди тонанчатханыбыс нинҷе аарлығ?

• Кип-азахты паза састы хайди оңдайлирын таллапчатсабыс, хайдағ принциптернең устанчабыс?