Чыл сай пістің организация чӱзер миллион Библиялар паза анаң даа пасха пічіктер сығарча паза оларны тӧлег чох таратча. Піс Иегованың киречілерінің залларын паза филиалларны пӱдірчебіс паза тыхтапчабыс; муңар Вефильде тоғынчатханнарға паза миссионерлерге ахчанаң хабасчабыс; чир-чайааннаң сыххан чобағларға кір парғаннарға полысчабыс. Арса, сірер мындағ сурығ турғысчазар: «Хайдағ ахчаа прай ол киректер иділче?»

Піс онынҷы чардығын тӧлебинчебіс паза пір дее ахча чығбинчабыс. Искіріг кирегі кӧп хорадығларнаң палғалыстығ полза даа, піс спонсорлар тілебинчебіс. «Сторожевой башняның» ікінҷі номерінде Иегова піске хабазарына ікінҷілебинчебіс паза «піс хаҷан даа кізілернең полызығ суранып алданмассыбыс» тіп чоохталғаннаң чӱс азыра чыл ирт парды,— піс позыбыстың сӧзібісті толдыр салғабыс! (Матфей 10:8).

Пос кӧңнінҷе пирілчеткен тайығлар пістің тоғысха хабасчалар. Пістің Библияны чарытчатхан тоғызыбыс ӱчӱн, кӧп кізілер, тайығлар салып, алғыстарын читірчелер. Худайның кӧңні прай чир ӱстӱнде толзын тіп, Иегованың киречілері постарының тустарын, кӱстерін, ахчаларын паза пасха даа нимелерін ідӧк ӧрініснең тайыға салчалар (1 Летопись 29:9). Иегованың киречілерінің залларында паза конгресстер залларында тайығ салҷаң харчахтар пар. Храмдағы сыйых салҷаң ідіссер ікі оох ахчаны салған ӱчӱн, Иисусха махтатхан «саңай чох чуртапчатхан ӧкіс ипчі» чіли, кӧбізі тайығларны пай чуртабинчатхан кізілер салчалар (Лука 21:1—4). Андағ оңдайнаң, полған на кізее «чӱрее хоостыра» тайығ салар ӱчӱн, нинҷе-де ахча сыбыра чыып сал турарға чарир (1 Коринфтегілерге 16:2; 2 Коринфтегілерге 9:7).

Піс ікінҷілебинчебіс: азых чӱректіг кізілер нинҷе пар аарлығ нимелерінең Хан-ӱлгӱнің кирегіне хабазып, анаң андар Иегованы улуғлирлар (Притчи 3:9).

• Пістің организация пасха религияларға нименең тӧӧй нимес?

• Пос кӧңнінең салылған тайығлар хайди хорадылчалар?