Хойығ джунгли ӧтіре парарға киліссе дее алай тасхар хомай кӱн полза даа, піс чыылығларға сыбыра чӧрчебіс. Чуртаста сидіктер полза даа, тоғыс соонда майых парзалар даа, пір киртіністіглернең тоғазар ӱчӱн, анҷа кӱс саларға ниме Иегованың киречілерін кӧӧктірче?

Піс сынап полызығ алчабыс. «Удур-тӧдір полызызааңар»,— христианскай чыылығларға чӧрчеткеннерні сағыста тудып, Павел пасхан (Еврейлерге 10:24). Анзы піс удур-тӧдір чахсы танызып аларға кирек полчатханын таныхтапча. Илҷінің сӧстері пістің харындас-пиҷелердеңер сағыссырирға кӧӧктірчелер. Ӧмеде пасхаларынаң чахсы танызып алзабыс, оларның піреелерінің пістің осхас сидіктер полғанын паза оларны маңнаныстығ тобырып алғаннарын кӧрербістер. Ол христианнарның чӧптері піске позыбыстың сидіктерібісті тобыр парыбызарға полыс пирер.

Піс киртістіг нанҷылар таап алчабыс. Христианскай чыылыға килчеткеннер олаңай ла таныстар нимес. Олар пістің чағын нанҷыларыбыс. Піс хада тынанып, тус тузалығ иртірчебіс. Андағ палғалыс піске ниме пирче? Піс харындас-пиҷелерні аарлыға санирға ӱгренчебіс, анзы, тізең, пісті піріктірчеткен хынысты тыытча. Пісті пик ынархас піріктірче, аннаңар хаҷан пір киртіністіглер сидіктерге урунзалар, піс оларға полыс пирерге тимдебіс (Притчи 17:17). Ӧмеде прайзынаң тоғазып чоохтас чӧріп, піс удур-тӧдір сағыссырапчатханыбысты кӧзітчебіс (1 Коринфтегілерге 12:25, 26).

Худайның кӧңнін толдырчатхан кізілер аразында нанҷылар тілирге кӧӧктірчебіс. Андағ нанҷыларны Иегованың киречілерінің аразында табарзар. Сірерге пістең ынағлазарға пір дее ниме харығ полбазын!

• Христианскай чыылығларда тоғазып чоохтасханы нименең аарлығ?

• Пістің ӧмебістең хаҷан танызып аларға сағынчазар?