Иисус ӱгренҷілеріне чоохтаан: «Сірернің дее чарытхыларың кізілерге іди чарызын, олар сірернің чахсы киректеріңні кӧрзіннер паза Тигірдегі Пабаңарны сабландырзыннар» (Матфей 5:16). Пӱӱнгі туста сынның чарығы амғы технологиялар хоостыра чарытча, интернет тее оларның санында. Пістің интернет-ресурс — Иегованың киречілерінің ӱгредіглерініңер паза оларның тоғызынаңар піліс пирчеткен официальнай источник. Ниме анда таап аларға чарир?

Удаа турғызылчатхан сурығларға Библияда тӧстелчеткен нандырығлар. Кізілернің чӱреен тибіретчеткен аарлығ сурығларға нандырығлар таап поларзар. Кӧзідімге алза, анда «Хаҷан полза иреелер тоозылар ба?» паза «Ӧлген кізілер хатап чуртирлар ба?» тіп буклеттер 600 азыра тілнең пар. Ідӧк пістің интернет-ресурста «Наа мир тілбестеені» 130 азыра тілнең, Библия ӱгренҷең пічіктер паза ай сай сыхчатхан брошюралар пар. Пу пічіктернің кӧбізін онлайн хығырып паза истіп аларға, ідӧк MP3, PDF алай EPUB форматтарнаң сығарып аларға чарир. Истерге хынчатхан кізее аның тӧреен тілінең нинҷе-де страница чаҷынға даа сығар поларзар! Кӧп жестовай тіллернең видеопубликациялар пар. Анда Библияны художественнай оңдайнаң хығырғанын, библейскай турғызығларны паза маң туста исчең сіліг кӧглерні таап аларға чарир.

Иегованың киречілерінеңер орта информация. Интернет-ресурста халғанҷы хабарлар паза пасха-пасха хазналардағы пістің тоғызыбыстаңар видеороликтер, ідӧк хайди піс гуманитарнай полызығ пирчеткенібістеңер искіріглер пар. Ағаа хоза, полар конгресстердеңер информацияны паза пасха-пасха хазналардағы филиалларның адрестерін таап аларға чарир.

Амғы технологиялар сылтаанда сынның чарығы чирнің прай хыриларына читче. Прай континенттерде, Антарктидада даа чуртапчатханнарның библейскай ӱгредіглернең танызып алар оңдай пар пол парған. Піс Худайны сабландырар ӱчӱн, Иегованың сӧзі прай чир ӱстӱне табырах таразын тіп пазырчабыс (2 Фессалониктегілерге 3:1).

• Хайди пістің интернет-ресурс кізілерге Библиядағы сынны піліп аларға полысча?

• Пістің интернет-ресурстаң сірер ниме піліп аларға хынчазар?