«Прай чир ӱстӱндегі кізілерге, полған на сӧӧкке, полған на тӧлге, полған на тілге, полған на чонға» «Чахсы Хабарны» искірер ӱчӱн, піс 750 азыра тіллернең пічіктер сығарчабыс (Азых чоох 14:6). Андағ ниме хайди пол полар? Прай чир ӱстӱнде пістің писательлер паза тілбестегҷілер пар. Олар прайлары Иегованың киречілері.

Текст пастап английскай тілнең пазылча. Писательскай пӧлік тилекейдегі ӧӧн устағда орныхча паза Устапчатхан чӧптең холында полча. Ол пӧлік ӧӧн устағдағы паза филиаллардағы писательлернің тоғызынаң устапча. Писательлер пасха-пасха хазналарда чуртапчатхан сылтаанда пістің пічіктерде аймах-пасха культуралығ кізілерге хығырырға хынығ темалар чарыдылчалар.

Текст тілбестегҷілерге ызылча. Тӱзеділген паза чарадылған материал электроннай оңдайнаң прай чир ӱстӱндегі тілбестеҷең группаларзар ызылча. Тілбестегҷілер текстті тілбестепчелер, английскай тілнең тиңнестірчелер паза алҷаастар тӱзетчелер. Английскай тілнең пазылған пічіктің сағыстарын постың тіліне орта читірер ӱчӱн, олар «сынның киртістіг сӧстерін» табарға кӱстенчелер (Экклезиаст 12:10).

Компьютерлер тоғысты табырах идерге полысчалар. Компьютер писательлернің паза тілбестегҷілернің орнына тоғын полбинча. Че ол аймах-пасха программаларнаң электроннай сӧстіктернің паза энциклопедияларның сылтаанда тоғысты табырах идерге полысча. Иегованың киречілері «Кӧп тілліг электроннай издательскай системаны» (MEPS) идіп алғаннар. Аннаң тузаланып, чӱзер тілнең текст пазарға, сӧстерні хоостарнаң піріктірерге паза сазынға сығарарға тимнепчелер.

Библияда тӧстелчеткен пічіктерні нинҷе-де ле муң кізі чоохтасчатхан тіллерге дее тілбестир ӱчӱн, ноға піс анҷа кӧп кӱс салчабыс? Иегова «прай кізілерні арачыланзыннар паза сынны пілеріне читсіннер тіп сағынчатхан» ӱчӱн (1 Тимофейге 2:3, 4).

• Пістің пічіктер хайди пазылчалар?

• Ноға пістің пічіктерні анҷа кӧп тіллерге тілбестепчебіс?