Религияларда часхарыс паза Худайның устаанын таппин, кӧп кізі религиялардағы пазырыстарға чӧрбин сыхчалар. Че ноға Иегованың киречілерінің христианскай чыылығларынзар чӧрерге кирек?

Чахсы, паарсах кізілер аразында полчабыс. Пастағы векте христианнар ӧмелерге піріктірілгеннер. Христианскай чыылығларда олар Худайға хада пазырҷаңнар, Ызых пічиин ӱгренҷеңнер паза удур-тӧдір кӧңнілерін кӧдірісчеңнер (Еврейлерге 10:24, 25). Оларның аразында ынағ палғалыс полған, полған на кізі сын нанҷыларының, постарының харындас-пиҷелернің аразында, полғаннарын пілінгеннер (2 Фессалониктегілерге 1:3; 3 Иоанн 14). Піс, олар чіли, тудынып, ідӧк ӧрініс алчабыс.

Библейскай принциптернең тузаланарға ӱгренчебіс. Пурунғы туста Худайдаңар піліс аларға, иреннер, ипчілер паза палалар хада чыылысчаңнар тіп Библияда чоохталча. Піс оларох чіли итчебіс. Чахсы пілістіг ӱгретчілер библейскай принциптернең позыбыстың чуртазыбыста хайди тузаланарын піске піліп аларға полысчалар (Второзаконие 31:12; Неемия 8:8). Библейскай ӱзӱрігде паза сарын сарнирында кем хынча, прайзы аралас поларлар. Анзы прай чоннар аразында пістің «ізенізібістеңер» искірерге уғаа чахсы оңдай полча (Еврейлерге 10:23).

Киртінізібісті тыытчабыс. Павел илҷі пір ӧмее пасхан: «Минің сірерні кӧрерім тың килче... удур-тӧдір киртінізібіснең кӧңнілерібісті кӧдірізіп аларға» (Римдегілерге 1:11, 12). Харындас-пиҷелернең чыылығларда сыбыра кӧрізіп чоохтасчатханыбыс киртінізібісті паза Худайның чахығларынҷа чуртирға тідімізібісті тыытча.

Иң чағын полар ӧме чыылиина килерге паза постарыңның харахтарыңнаң кӧріп аларға сірерні прай чӱреебістең хығырчабыс. Сірерге анда прайзы ӧрінер. Кірер ӱчӱн ахча тӧлирге кирек чоғыл, анда ахча пір дее чығбинчалар.

• Иегованың киречілері постарының чыылығларын иртіреріне хайдаң кӧзідім алып алғаннар?

• Ноға христианскай чыылығларға чӧрерге кирек?