Духовнай саринаң ӧзіп паза сӧбіредегілернің аразында палғалысты пик идіп, олар хада тус иртірзіннер тіп Иегова хаҷан даа хынған (Второзаконие 6:6, 7). Прай пу нимені идер ӱчӱн, Иегованың киречілері неделя сай сӧбіре пазырызына тус таапчалар. Анда сӧбіредегілер пос кӧңнінең духовнай темаларны ӱзӱрчелер. Олар ӱзӱрчеткен материалны сӧбіренің кирексіністеріне килістіріп аларға кӱстенчелер. Сірер чалғысхан чуртапчатсар, Худайнаң хада полып аларға паза Библияны ӱгренерге сірерге килістіре программаҷа ол туснаң тузаланарға чарир.

Анзы Иеговаа чағын поларға полысча. «Худайға чағдаңар — сірерге ол чағдирох»,— тіп Библияда чоохталча (Иаковтың 4:8). Иегованы чахсы арах піліп аларға аның Сӧзі полысча, хайзында аның хылиинаңар паза киректерінеңер чоохталча. Сӧбіре пазырызын Библияны истілдіре хада хығырғаннаң пастирға чарир. Кӧзідімге, «Чуртас паза нымысчыланыс» чыылығның неделя сай пирілчеткен графикче тудынып хығырарға чарир. Текстті кизектерге чарыбызып, сӧбіренің полғанына хығырарға пир салыңар. Хығырған соонда, стихтарнаң кем хайдағ туза позына таап алғанын ӱзӱрібізіңер.

Анзы сӧбірені піріктірче. Библияны хада ӱгренгені ирепчілерні удур-тӧдір чағын итче паза іҷе-пабаларны палаларынаң піріктірче. Андағ ӱгреніс сӧбірее, тадылығ чиис осхас, ӧріністіг, чидікпин сахтапчатхан кирек поларға кирек. Іҷе-пабаларға палаларының чазына килістіре материалны таллап аларға кирек. Кӧзідімге, школада учурапчатхан сидікті палаларнаң хада ӱзӱрер ӱчӱн, Библияда тӧстелчеткен пічіктернің статьяларынаң тузаланарға чарир. Организацияның сірерге азых ресурстарының видеоматериалны кӧріп алып ӱзӱрібізіңер. Иң чағын полар чыылығда сарналар сарыннарны ӱгреніңер. Сӧбіре пазырызының соонда, тадылығ ниме чіп алыңар алай палаларнаң хада ойнап алыңар.

Неделя сай сӧбіренең хада Иеговаа пазырарға тус тапса, сӧбіредегілер, прайзы, Худай Сӧзіне хынып аларлар. Ікінҷілебеңер, сірернің кӱстенгеннерің ӱчӱн, Иегова уғаа кӧп алғастар пирер (Псалом 1:1—3).

• Ноға сӧбіредегі пазырысха піс тус таапчабыс?

• Іҷе-пабалар сӧбіре пазырызын сӧбіредегілерге, прайзына, хайди хынығ ит поларлар?