Ӱрир алнында Иисус теен: «Пу Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар. Анаң на тӱгенҷізі килер» (Матфей 24:14). Че Чахсы Хабарны прай чир ӱстӱндегі чоннар иссіннер тіп ниме идерге кирек? Иисус артыс салған кӧзідім хоостыра тудынарға (Лука 8:1).

Піс кізілерге иблерінде тоғазып аларға кӱстенчебіс. Иисус позының соонҷа парчатханнарны кізілерге Чахсы Хабарны иблерінзер киліп искір турарға ӱгреткен (Матфей 10:11—13; Илҷілернің 5:42; 20:20). Пастағы векте искірігҷілерге Худай сӧзін искірерге чир ӧнетін пӧлілҷең полған (Матфей 10:5, 6; 2 Коринфтегілерге 10:13). Худай сӧзін искірчеткен тоғызыбыс пӱӱн ідӧк чахсы турғызыл парған. Полған на ӧменің позының Худай сӧзін искірҷең чирі пар. Анзы кізілерні ӱгредерге паза тиксі киречілирге тіп Иисустың чахиин толдырарға полысча (Илҷілернің 10:42).

Піс прай, кізілер пар чирлерде Худай сӧзін искірчебіс. Иисус удаа кӧп чон аразында Худай сӧзін искірҷең, кӧзідімге алза, талай хазында паза хутухтың хыринда ӱгреткен (Марк 4:1; Иоанн 4:5—15). Аның кӧзідіміне кӧӧгіп, Библиянаңар хайда оңдай пар анда кізілернең чоохтазып аларға кӱстенчебіс: тасхар, садығ тураларында, парктарда паза телефоннаң даа. Ағаа хоза, киліссе, пістің хонҷыхтарыбысха, хада тоғынчатханнарыбысха, хада ӱгренчеткеннерібіске паза туғаннарыбысха киречілепчебіс. Ол тоғыстың сылтаанда прай чир ӱстӱнде миллионнар «Ол ысчатхан арачыланыстаңар чахсы хабарны» исчелер (Псалом 96:2).

Худайның Хан-ӱлгӱзінеңер чахсы хабарнаң паза алнындағы уғаа чахсы ізеністең кемнең ӱлезерҷіксер? Ол пілістерні позыңарда ла тутпаңар. Килістіре оңдай ползаох, пасхаларынаң пілістеріңнең ӱлезіңер!

• Хайдағ хабар прай чир ӱстӱнде искірілерге кирек?

• Иисус артысхан кӧзідімге Иегованың киречілері хайди кӧӧкчелер?