Чир-чайаанаң сыххан саайлар пол парза, Иегованың киречілері сах андох саай пол парған чирлерде постарының харындастарына полызып пастапчалар. Андағ оңдайнаң удур-тӧдір сын хынызыбысты кӧзітчебіс (Иоанн 13:34, 35; 1 Иоанның 3:17, 18). Андағ полызыға ниме кірче?

Ахчанаң полысчабыс. Пастағы векте Иудеяда илбек ӧзӧгіс пасталыбысханда, Антиохиядағы христианнар постарының духовнай харындастарына «ис-пайларын ызып» полысханнар (Илҷілернің 11:27—30). Ідӧк амғы туста пасха хазналардағы харындастар сидіксінісчеткеннеңер піліп алчатсабыс, орындағы ӧме пастыра тайығларыбысты оларға ысчабыс (2 Коринфтегілерге 8:13—15).

Кирек полызығ ағылчалар. Ӧмедегі полған на харындас-пиҷелер хазыхтар ба тіп піліп алар ӱчӱн, саай пол парған чирдегі ах сағаллар оларны таап аларға кӱстенчелер. Полызығ пирчеткен комитет ханҷа пар чиисті, ісчең арығ суғны паза кип-азахты харындас-пиҷелер аразында ӱлестірчелер, ідӧк оларға чуртаҷаң чирдеңер, имҷілер полызиинаңар сағыссырапчалар. Кирек кӧнігістіг Киречілернің кӧбізі, постарының ахчаларын чолға хорадып, тураларны паза Иегованың киречілерінің залларын пос кӧңнінең, ахчаа тоғынмин, хатап пӱдірерге килчелер. Пістің организацияда пір чӧптіг полғаны, ідӧк хада тоғынчатханыбыс, саай пол парза, андар табырах хайығ саларға полысчалар. «Пір киртіністіглерге» полызып, прайзынаңар, пасха даа худайларға киртінчеткеннердеңер, ундутпинчабыс (Галат чиріндегілерге 6:10).

Духовнай полызығ паза часхарыс пирчебіс. Чир-чайааннаң сыххан саайларға кір парғаннарға часхарыс уғаа кирек. Андағ тустарда піс Иегованаң, «ноо даа часхарыстың Худайынаң» кӱс алынчабыс (2 Коринфтегілерге 1:3, 4). Библияда молҷалған нимелернең кізілернең ӧрініснең ӱлесчебіс паза ағырсыныс, иреелес ағылчатхан киректерні Худайның Хан-ӱлгӱзі ӱр ниместең чох идібізердеңер ӧрініснең ізендірчебіс (Азых чоох 21:4).

• Иегованың киречілері ниме сылтаанда саай пол парған туста полызыға табырах кил полчалар?

• Хыйалға кір парғаннарға пирчеткен духовнай часхарысха ниме кірче?