Позының тайызының, Павел илҷінің чуртазын, ал халған оолдаңар піліп алааң. Ол чиит оолның адын піс пілбинчебіс, че пір уғаа махачы кирек иткенін пілчебіс. Ол ниме иткенін піліп аларға хынчазың ма?~

Павел илҷі Иерусалимде харибде полған. Ол андар Иисустаңар искірген ӱчӱн кір парған. Хомай кізілер Павелні хырт кӧрҷеңнер, аннаңар аннаң тоғыр чабал кирек сағынып алғаннар. Олар чӧптезіп алғаннар: «Чааҷылар Павелні чарғаа ағыл килзіннер тіп чааҷылар пазына чоохтап пиреелер. Піс, тізең, чол хыринда чазыныбызарбыс. Павел хырибыста иртчетсе, аны ӧдірібізербіс!»

Павел илҷінің пиҷезінің оолғы ол чӧптезігдеңер піліп алған. Ниме ол иткен? Ол тайызынзар харибзер парып, ол киректеңер ағаа прай чоохтап пирген. Павел ағаа сах андох чааҷылар пазынзар парарға паза олар сағынып алған чабал киректеңер чоохтап пирерге чахаан. Хайди сағынчазың, Павелнің пиҷезінің оолғына чааҷылар пазынаң чоохтазарға оой полған ма?~ Чох, оой полбаан. Чааҷылар пазы пӧзік орындағы кізі полған нооза. Че пу оол махачы полған, аннаңар ол ағаа прай ниме чоохтап пирген.

Чааҷылар пазы ниме идерге кирек полғанын пілген. Павел илҷіні арачылирға 500-че чааҷы чыып алып, олох хараа аны Кеса́риязар апарарға чахаан. Павел тіріг халған ма?~ Йа. Хомай кізілер ағаа хадыларға хорыхханнар. Оларның чабал киректері киліспеен.

Пу чоохтағы киректең син нимее ӱгрен поларзың?~ Син, Павелнің пиҷезінің оолғы чіли, махачы пол поларзың. Пасха кізілерге Иеговадаңар чоохтапчатсабыс, піске махачы поларға уғаа кирек. Иеговадаңар хорыхпин чоохтирзың ма?~ Чоохтазаң, піреезінің чуртазын арачылап поларзың.