Хоостағы кізілерні кӧрчезің ме?~ Оларның аттары Матфе́й, Марк, Лука́, Иоа́нн, Пётр, Иа́ков, Иу́да паза Па́вел. Пу кізілер Иисус Христоснаң пір туста чуртааннар паза аның чуртазынаңар пас салғаннар. Олардаңар кӧп арах піліп алааң.

Оларның санынаң ӱс илҷі полған, олар Иисуснаң хада Худай сӧзін искір чӧргеннер. Оларның аттарын адап поларзың ма?~ Матфей, Иоанн паза  Пётр. Матфей паза Иоанн илҷілер Иисусты чахсы танааннар, оларның полғаны ла аның чуртазынаңар кинде пас салған. Иоанн илҷі Азых чоох тіп киндені паза ӱс пічікті, Иоанның Пастағы, Ікінҷі паза Ӱзінҷі пічіктерін, пас салған. Пётр илҷі ідӧк Библияа кір парған ікі пічікті, Пётрның Пастағы паза Ікінҷі пічіктерін, пас салған. «Пу Минің хынчатхан Оолғым, Ол Минің кӧңніме тың кірче» тіп Иегова тигірдең Иисустаңар теен сӧстердеңер Пётр илҷінің Ікінҷі пічігінең піліп алчабыс.

Син хооста кӧрчеткен пасха кізілер ідӧк постарының кинделерінде Иисустаңар чоохтааннар. Оларның пірсін Марк тіп адааннар. Чааҷылар Иисусты хаап алғанын ол позы кӧрген полар. Паза пірсінің ады Лука. Ол имҷі полған. Лука Иисус ӱреен соонда христианин пол парған полар.

Паза Иисустаңар пасхан ікі ирен аның туңмалары полғаннар. Оларның аттарын пілчезің ме?~ Оларны Иаков паза Иуда тіп адааннар. Пастап олар Иисусха киртінмееннер. Ол алаах парған тіп сағынғаннар. Че анаң ағаа киртін сыхханнар паза христианнар пол парғаннар.

Син кӧрчеткен хооста халғанҷы кізі — Павел. Христианин полар алнында, аның ады Савл полған. Ол христианнарны хырт кӧрҷең паза оларнаң хомай тудынҷаң. Пілчезің ме, ноға Павел христианин пол парған?~ Пірсінде, Павел Дама́сксар парчатханда, кинетін тигірдең ӱн ис салған. Ол Иисустың ӱні полған! Ол Павелдең сурған: «Мағаа киртінчеткеннерге ноға іди хомай итчезің?» Пу сӧстер Павелні алызарға кӧӧктіргеннер, іди ол христианин пол парған. Павел Ри́мдегілерге пічиинең Евре́йлерге пічиине читіре Библияа кірген 14 кинде пас салған.

Піс кӱннің сай Библияны хығырчабыс, андағ нимес пе?~ Библияны хығырчатсабыс, піс Иисустаңар кӧп ниме піліп алчабыс. Аннаңар кӧп арах піліп аларға хынчазың ма?~