Хоостағы оолахты кӧр кӧр. Ол чалғысхан на паза хорыхчатханға тӧӧй. Сағаа ідӧк пілдірген ме?~ Полған на кізее пірееде іди пілдірче. Постарын чалғысхан на тіп пілінген паза хорыххан Иегованың нанҷыларынаңар Библиядаң піліп алчабыс. Оларның пірсі Илья́ полған. Аннаңар кӧп арах піліп алааң.

Илья, Иисус Христос тӧрир алнындох, Изра́ильде чуртаан. Израильнің ханы Аха́в Иеговаа, сын Худайға, нымысчыланмаан. Ахав ипчізінең, Иезаве́льнең, хада чой худайға, Ваа́лға, пазырған. Аннаңар Израильде кӧбізі Ваалға пазыр сыхханнар. Хан ипчі Иезавель уғаа чабал кізі полған. Ол Иеговаа нымысчыланчатханнарны, прайзын, ідӧк Ильяны ӧдірібізерге хынған. Илья ниме идібіскен, пілчезең ме?~

 Ол хуу чазызар тизіп, хуйуда чазын салған. Хайди сағынчазың, ноға ол тизіп чазынған?~ Хорых парған ӱчӱн. Че ағаа хорыхпасха кирек полған. Ноға? Иегова ағаа полыс поларын ол пілген. Иегова Ильяға позының кӱзін кӧзіткен полған. Пір хати Иегова андар ангелні ызып, пазырызына нандырған. Иегова ағаа ам даа полыс поларҷых!

Илья хуйуда полғанда, Иегова аннаң сурған: «Син мында ниме итчезің?» Ол, тізең, нандырған: «Синің нымысчыларыңнаң мин не халдым. Мин чалғысханназым, мині ӧдір саларлар тіп хорыхчам». Иегованың пасха нымысчыларын, прайзын, ӧдір салғаннар тіп сағынған ол. Че Иегова ағаа чоохтаан: «Хорыхпа! Анзы андағ нимес. Синнең пасха мағаа нымысчыланчатхан 7 000 кізі пар. Минің сағаа аарлығ тоғыс пар!» Хайди сағынчазың, аны ис салғанда, Илья ӧрінген ме?~

Ильянаң полған киректең піс нимее ӱгренчебіс?~ Хорыхпа паза позыңны чалғысхан на тіп сағынма. Иеговаа паза сағаа хынчатхан нанҷыларың парын піл. Иегова уғаа кӱстіг, ол сағаа полыс полардаңар ундутпа. Син чалғыс ниместеңер пілгені чӱрееңні чылытча ба?~