«Тиксі-тилекейнің чабал кӱзі алтында полчатханын даа пілчебіс» (1 Иоанның 5:19, Наа мирнің тілбестеені).

«Худай Оолғы сайтанның киректерін чох идерге килген» (1 Иоанның 3:8, Наа Молҷағ).

Пу чир-чалбахта ноға анҷа кӧп сидіктер полчатханын пілгені (Азых чоох 12:12).

Чуртас чахсы саринзар алыс парарына ізеніс (1 Иоанның 2:17).

Я, анзына киртінерге иң асхынах ӱс сылтағ пар:

• Сайтанның ӱлгӱзі чох пол парар. Иегова Сайтанның ӱлгӱзін чох идерге пик сағыс тутча. Ол Сайтанны чиңіп аларға паза прай аның ӱлгӱзінің хомай салтарларын чох идерге сӧс пирче (Еврейлерге 2:14).

• Худай Иисус Христосты тилекейнең устирға турғыс салған. Иисус Христос пӱӱнгі чабал, позынаңар ла сағынчатхан устағҷаа пір дее тӧӧй нимес. Худай Иисустаңар чоохтаан: «Кізілернең орта устирзың. Син орта нимее хынчазың, чабал нимені, тізең, хырт кӧрчезің» (Еврейлерге 1:8, 9).

• Худай хаҷан даа чойланминча. Библия кӧні чоохтапча: «Худай чойлан полбас» (Еврейлерге 6:18). Иегованың молҷағлары ізестіглер, аннаңар оларны тол парған тіп санирға чарир! (Исаия 55:10, 11). «Сайтан, чирнің кнезі, мыннаң сӱрдіртер» (Иоанн 12:31).