37 ПАСТАҒ

Мағаа кіреске тӱзерге кирек пе?

Орта алай орта нимес таныхтып сал:

Прай христианнарға кіреске тӱзерге кирек.

□ Орта

□ Орта нимес

Кіреске тӱскенінің ӧӧн кӧстии — чазыхтаң арачылааны.

□ Орта

□ Орта нимес

Кіреске тӱскені арачыланысха чол асча.

□ Орта

□ Орта нимес

Кіреске тӱспеенде, Худайның алнында нандырығ тутпинчазың.

□ Орта

□ Орта нимес

Нанҷыларның кӧбізі кіреске тӱскеннер, аннаңар сағаа даа кіреске тӱзерге кирек.

□ Орта

□ Орта нимес

ХУДАЙ киректепчеткен чіли чуртапчатсаң, аннаң ынархасты тыытчатсаң паза Худайдаңар пасхаларына чоохтапчатсаң, кіреске тӱзерге сағынчатханың хайхастығ нимес. Че син кіреске тӱзерге тимдезің ме? Ӱстӱнде пазылған нимелерні ӱзӱрібізеең.

● Прай христианнарға кіреске тӱзерге кирек.

Орта. Иисус позының ӱгренҷілеріне кіреске тӱзерге чоохтаан (Матфей 28:19, 20). Ол позы даа кіреске тӱскен. Син Иисустың соонҷа парарға хынчатсаң, сағаа даа кіреске тӱзерге кирек. Андағ пӧгін алар алнында син духовнай саринаң пызығ кізі поларға кирексің паза анзын идерге чӱреең кӧӧктірерге кирек.

● Кіреске тӱскенінің ӧӧн кӧстии — чазыхтаң арачылааны.

Орта нимес. Кіреске тӱзіп, кізі позының чуртазын Иеговаа пирібіскенін кӧзітче. Чуртасты Иеговаа пирібіскені ол чазых идерге чаратпинчатхан чӧптезіг нимес. Син чуртазыңны Иегованың нормаларынҷа чуртирға хынчатхан ӱчӱн пирібісчезің.

● Кіреске тӱскені арачыланысха чол асча.

Орта. Библияда арачыланып алар ӱчӱн, кіреске тӱзерге кирек тіп пазылча (1 Петрның 3:21). Кіреске тӱскенін чобағ тузында арачылапчатхан страховкаа санирға чарабас. Кіреске тӱзерге сині Иеговаа хыныс, прай чӱрекнең паза мӧгі тус ағаа нымысчыланарға хынғаны кӧӧктірерге кирек (Марк 12:29, 30).

● Кіреске тӱспеенде, Худайның алнында нандырығ тутпинчазың.

Орта нимес. Иаковтың 4:17-де чоохталча: «Чахсыны ит полар кізі аны итпинчетсе, ағаа ол чазыхха саналар». Кіреске тӱскезің ме, кіреске тӱспеезің ме — пасхазы чоғыл. Ниме чахсы полчатханы паза чуртазыңны нимее пир саларға пілчетсең, кіреске тӱзерінеңер іче-пабаңнаң алай пасха даа духовнай саринаң пызығ христианиннең чоохтазып аларға саңай килістіре тус, арса. Олар сағаа кіреске тӱзерге хайди тимненіп аларға чоохтап пирерлер.

● Нанҷыларның кӧбізі кіреске тӱскеннер, аннаңар сағаа даа кіреске тӱзерге кирек.

Орта нимес. Кіреске тӱзерге сині чӱреең кӧӧктірерге кирек (Псалом 110:3). Иегованың киречізінең ниме киректелчеткенін піліп алзаң паза андағ нандырығны позыңда аларға тимде ползаң на, кіреске тӱзерге чарир (Экклезиаст 5:4, 5).

Чуртас алыстырчатхан пӧгін

Кіреске тӱскен соонда синің чуртазың алыс парар. Кіреске тӱскені кӧп алғастарға чол асча. Олох туста Иеговаа пирген сӧзің хоостыра чуртирға кирек.

Худайға чуртазыңны пирібізерге тимдезің ме? Тимде ползаң, син уғаа часкалығ кізізің. Сағаа иң пӧзік аарлас пирілче: Иеговаа прай чӱрекнең нымысчыланарға паза ағаа ла киртістіг полчатханыңны чуртазыңнаң кӧзідерге (Матфей 22:36, 37).

БИБЛИЯДАҢ АЛЫЛҒАН ӦӦН СТИХ

“Постарыңны Худайға пир салыңар. Худайның кӧңніне чарас тіріг, ах-арығ тайығ иткені ползын ол. Анзы Худайға орта пазырғаны полар”. Римдегілерге 12:1.

ЧӦП

Іҷе-пабаңнаң чӧптезіп ал паза ӧмеде сағаа духовнай саринаң ӧзерге паза кіреске тӱзерге тимненіп аларға полыс пирер кізіні таап ал (Илҷілернің 16:1—3).

ПІЛЧЕЗІҢ МЕ...

«Танығ» алған на кізілер арачыланып аларлар. Кіреске тӱскені ол «танығның» чардығы полча (Иезекииль 9:4—6)

ХАЙДИ ТУДЫНАРҒА!

Кіреске тӱзер алнында мағаа Библияның пу ӱгредіглерін чахсы арах піліп аларға кирек: ․․․․

Іҷе-пабама пу сурығларны турғызарға хынчам: ․․․․

ХАЙДИ САҒЫНЧАЗЫҢ?

● Кіреске тӱскені ноға андағ аарлығ алтым?

● Нименің ӱчӱн саарбахтар кіреске тӱзерге маңзырапчалар?

● Ноға пірее саарбахтар Худайға пирінерге паза кіреске тӱзерге маңзырабинчалар?

[Вставка]

‘‘Кіреске тӱскенімні сағыста тутханы мағаа хыйға пӧгіннер аларға паза хомай салтарларға ағылчатхан киректердең хыйа тудынарға полысча’’. Холли

[Рамка/хоос]

Кіреске тӱзерінеңер удаа турғызылчатхан сурығлар

Кіреске тӱскені ниме таныхтапча? Кіреске тӱзірзе, кізіні суға пӱкӱлее сухчалар. Анзы аны, ӧліп, тіріл парғанын таныхтапча. Аның соонда ол позына нимес, че Иегованың кӧңнін толдырар ӱчӱн чуртапча.

Иеговаа пирін салғаны нимедір ол? Позыбыстың ӱчӱн нимес, че Иегованың кӧңнін толдырар ӱчӱн, чуртирға сӧс пиргені (Матфей 16:24). Иеговаа пазырыста чуртазыбысты кіреске тӱзер алнында пир саларға кирек.

Кіреске тӱзер алнында ниме идерге кӱстенерге кирек? Кіреске тӱзер алнында Худай Сӧзінҷе чуртирға паза позының киртінізіңнеңер пасхаларына чоохтирға кирек. Ідӧк пазырып паза Библияны ӱгреніп, Худайнаң ынархасты тыыдарға. Иеговаа пасхалары кӧӧктірчеткен ӱчӱн нимес, че позың хынчатхан ӱчӱн нымысчыланарға кирексің.

Нинҷе частығда кіреске тӱзерге чарир? Тың на пасхазы чоғыл. Че андағ даа полза, ноға Иеговаа пирінчеткеніңні пілінер частығ поларға кирек.

Іҷе-пабаң сағаа кіреске тӱзерге ирте тіпчетсе, ниме идерге? Олар сині чуртазыңда библейскай принциптернең чахсы тудынарға ӱгреніп алзын тіп хынча поларлар. Оларның чӧптерінҷе тудын, олох туста Иегованаң палғалызыңны тыыт (1 Самуила 2:26).

[Рамка/хоос]

Итчең тоғыс

Кіреске тӱзерге сағынчазың ма?

Пу сурығлар сағаа духовнай саринаң нинҷе пызығ полчатханыңны піліп аларға полыс пирерлер. Сурығларға нандырар алнында пирілген стихтарны хығырыбыс.

Иеговаа ізенчеткенің нимедең кӧрінче? (Псалом 71:5). ․․․․․

Чахсыны чабалдаң талластырарға ӱгреніп алғаныңны хайди кӧзітчезің? (Еврейлерге 5:14). ․․․․․

Хайди удаа пазырчазың? ․․․․․

Чӱрееңні прай азып, пазырчазың ма? Синің пазырыстарыңда Иеговаа хыныс кӧрінче бе? (Псалом 17:6). ․․․․․

Пазырыстарда хайдағ кӧстеглерге чидіп аларға хынчазың, пас сал. ․․․․․

Пос алынҷа Библияны удаа істесчезің ме? (Иисус Навин 1:8). ․․․․․

Хайдағ материалларны істесчезің? ․․․․․

Пос алынҷа істескенінде хайдағ кӧстеглерге чидіп аларға хынчазың. ․․․․․

Нымысчыланысты аарлыға санапчазың ма? (Кӧзідімге, Библияның ӧӧн ӱгредіглерін чарыда чоохтап полчазың ма? Истерге хынған кізілерзер хатап килчезің ме? Піреезінең Библия ӱгредиин пастирға кӱстенчезің ме?)

□ Я □ Чох

Іҷең-пабаң нымысчыланминчатсалар даа, нымысчыланчазың ма? (Илҷілернің 5:42).

□ Я □ Чох

Пас сал, нымысчыланыста хайдағ кӧстеглерге чидіп аларға хынчазың. (2 Тимофейге 2:15). ․․․․․

Ӧме чыылығларына сыбыра чӧрчезің ме алай киліссе ле бе? (Еврейлерге 10:25). ․․․․․

Христианскай чыылығларда хайди араласчазың? ․․․․․

Іҷе-пабаң чыылығларға чӧр полбинчатса, (сағаа чӧрерге чаратчатсалар) чыылығларға чӧрчезің ме?

□ Я □ Чох

Худайның кӧңнін толдырғаны сағаа ӧрініс сынап ағылча ба? (Псалом 40:8).

□ Я □ Чох

Синің тиң арах частығ палаларның пасчатханына тоғырланарға киліскен ме? Кӧзідім кӧзіт пир. (Римдегілерге 12:2). ․․․․․

Иеговаа пик хынызыңны хайди хайраллирға сағынчазың? (Иуданың 20, 21). ․․․․․

Іҷе-пабаң алай арғыстарың Иеговаа нымысчыланминыбыссалар даа, нымысчыланарзың ма? (Матфей 10:36, 37).

□ Я □ Чох

[Хоос]

Кіреске тӱскені кізінің чуртазын, хоных хонған чіли, алыстырча. Анзын, чахсы сағынып албин, идерге чарабас