Сӧбірее кирек нимелер алар ӱчӱн, ахча кирек (Притчи 30:8). Ахча арачыланыс пирче тіп Библияда пазылча (Экклезиаст 7:12). Ахчанаң палғалыстығ сурығларны ӱзӱрерге ирепчее аар даа полар, че ахчаа сӧбіредегі амыр чуртасты сайбирға чаратпаңар (Ефестегілерге 4:32). Ахчаны нимее хорадардаңар чоох парчатса, ирі дее, ипчізі дее, пірсі ниме тіпчеткенін истерге паза ағаа киртінерге кирек.

БИБЛИЯ НИМЕ ЧООХТАПЧА. «Сірернің хайзыңар, башня пӱдірер алнында, пурун одырып, хорадар ниме-нооларны, пӱдіріге ниме кирек поларын прай санап албинча?» (Лука 14:28). Ахчаны хайди хорадарынаңар азынада хада сағынып аларға кирек (Амос 3:3). Пастап хада пӧгіп алыңар: ниме сірерге сынап кирек паза нинҷе ағаа ахча хорат поларзар (Притчи 31:16). Пірее нимені ахча ла пар ӱчӱн аларға кирек чоғыл. Алымға кірбеске кӱстеніңер. Ахча синінің хоостыра чуртаңар (Притчи 21:5; 22:7).

ТУЗАЛЫҒ ЧӦПТЕР

• Ай соона ахча халза, хайди анынаң тудынарын хада пӧгіп алыңар

• Бюджеттің ахчазынаң артых хорадығлар пол парза, хорадығларны хайди хызырыбызардаңар сағын кӧріңер. Пилен чіҷең ниме садып алғанҷа, постарың ибде чіҷең ниме итсер, асхынах арах ахча хорир тіп пӧгін аларзар, арса

БИБЛИЯ НИМЕ ЧООХТАПЧА. «Худайның на нимес, чонның даа алнында [ниме-нооларнаң] орта тудынарға кӱстенчебіс нооза» (2 Коринфтегілерге 8:21). Нинҷе ахча тоғынып алчатханнарыңны паза нинҷе хоратчатханнарыңны хоных хонғаныңнаң чазырбаңар.

Ниме-нооларнаң палғалыстығ аарлығ пӧгіннерні алчатсар, хайди даа иріңернең алай ипчіңернең чӧптезіп алыңар (Притчи 13:10). Ахчадаңар удур-тӧдір чазырбин чоохтасханы ирепчее хырыспин чуртирға полысча. Ахчаны позыңның на нимес, че ікӧлеңнің ахчазы тіп сана (1 Тимофейге 5:8).

ТУЗАЛЫҒ ЧӦПТЕР

• Нинҷе ахча сірер полғаныңар пос кӧңнінҷе хорадарынаңар чоохтас салыңар

• Ахчадаңар чоохтазып алар ӱчӱн, сидіктер пол парарын сахтирға кирек чоғыл