Иегова — сӧбіренің тӧстегҷізі, аннаңар ол іҷе-пабаларға палаларны ӱгредіп ӧскірерге чахаан (Колоссадағыларға 3:20). Іҷе-пабалар палаларны Иеговаа хынарға паза нандырығлығ кізілер полар иде ӧскірерге киректер (2 Тимофейге 1:5; 3:15). Оолғыңарның алай хызыңарыңның чӱректерінде ниме полчатханын сірерге піліп аларға кирек. Ағаа хоза, сірер постарыңар оларға кӧзідім поларға кирексер. Иегованың сӧстері сірернің чӱректеріңде полза, палаларыңны Худайның сӧзіне ӱгредерге оой арах полар (Псалом 40:8).

БИБЛИЯ НИМЕ ЧООХТАПЧА. «Ноо даа кізі истерге чапчаң ползын. Чоохтанарға, ӧкпеленерге маңзырабас ползын» (Иаковтың 1:19). Палаңар аймах-пасха темаа сірернең чоохтазып аларға пір дее чалтанминчатханы уғаа аарлығ полчатханын сірер пілче поларзар. Сірер хаҷан даа палаларыңны истерге тимде полчатханнарыңда олар ікінҷілебеске киректер. Ибде амыр паза тартыс чох ползын, андада палаларға постарының сағыстарынаң паза чувстволарынаң ӱлезерге оой полар (Иаковтың 3:18). Сірернің нахланып ӱгредерінең паза сірерге чарғыладарынаң хорыхчатсалар, палалар чӱректерін азарға хынмастар. Тыстаныстығ тудыныстарың паза палаларға хыныстарың уғаа аарлығ (Матфей 3:17; 1 Коринфтегілерге 8:1).

ТУЗАЛЫҒ ЧӦПТЕР

• Пала чоохтазып аларға хынчатса, аны сиргек истіңер

• Палаларнаң сидіктер пол парза ла нимес, че сыбыра чоохтас турыңар

БИБЛИЯ НИМЕ ЧООХТАПЧА. «Киректі тирең пілчеткен кізі чахсыны табар» (Притчи 16:20). Пірееде ноға пала іди чоохтапчатханын піліп аларға сидік. Хоза сағынып аларға алай сынында нимедеңер сағынчатханнаңар читіре чоохтабасха саарбахтарның оңдайларында. «Кем читіре истіп албин нандырча, ол хыйға нимес» (Притчи 18:13). Хомзынарға маңзырабаңар (Притчи 19:11).

ТУЗАЛЫҒ ЧӦПТЕР

• Палалар ноо даа ниме чоохтапчатсалар, харығ полбасха паза постарыңны амыр тудынарға кӱстеніңер

• Постарың саарбах полған туста хайди сағынҷаң полғаннарыңны паза ол туста ниме сірерге аарлығ полғанын сағысха киріңер

БИБЛИЯ НИМЕ ЧООХТАПЧА. «Оолғым, пабаңның ӱгредиин ис паза іҷеңнің чахығларын артыспа» (Притчи 1:8). Палаларны ӱгредіп ӧскірерге Иегова пабазына даа, іҷезіне дее чахығ пирген. Палаларны сірерні улуғлирға паза чооғыңарны истерге ӱгредіңер (Ефестегілерге 6:1—3). Іҷе-пабазы «пір сағыстығ» полбазалар, палалар аны табырах сизін саларлар (1 Коринфтегілерге 1:10). Сірернің араңарда пірее талас пол парза, палалар кӧзіне нимес, че ікӧлең ол сурығны ӱзӱрібізіңер. Іди итпезер, палалар сірерні улуғлабастар.

ТУЗАЛЫҒ ЧӦПТЕР

• Палаларны хайди ӱгредерінеңер паза хатығлирынаңар азынада чӧптезіп алыңар

• Паланы ӱгредіп ӧскіреріне ікі пасха кӧрчетсер, иріңнің алай ипчіңнің кӧрізін піліп аларға кӱстеніңер

БИБЛИЯ НИМЕ ЧООХТАПЧА. «Оолахты орта чолға ӱгрет сал» (Притчи 22:6). Палалар чахсы ӱгредігліг паза хыйға пос алынҷа ла пол парбинчалар. Ӱгредіп ӧскіргені тӱзедіг киректепчеткенін ундутпасха паза чахсы сағынып тудынарға кирек (Псалом 127:4; Притчи 29:17). Тӱзеткені хатығлирын на таныхтабинча. Ноға хайдағ-да чахығларҷа тудынарға кирек полчатханын палаа піліп аларға полыс пирерге кирек (Притчи 28:7). Ағаа хоза, палаларны Иегованың Сӧзіне хынарға паза анда пазылған принциптерні оңнирға ӱгредіңер (Псалом 1:2). Анзы оларның совестьтерін орта ӱгредеріне хабазар (Еврейлерге 5:14).

ТУЗАЛЫҒ ЧӦПТЕР

• Палаларыңа Иеговаа тіріг Худайға тіп кӧрерге полызыңар. Ағаа киртінерге паза ізенерге чарирын кӧзідіңер

• Интернетте паза социальнай сетьтерде чазынчатхан хорығыстарны паза хахпаннарны сизінерге палаларны ӱгредіңер. Палаларға кӱлчеткен кізілернең хайди арачыланарға чахсы иде чоохтап пиріңер