«Чир ӱстӱ ӧӧркі Чайаачыбыстың паза Аның Мессийінің хан-чирі пол парды. Мессий, тізең, хаҷан даа ӱлгӱ тудар!» (Азых чоох 11:15, Наа Молҷағ).

«Хан Худай Ағаа [Иисусха] Давид ӧбекезінің хан-ӱлгӱзін пирер ...Аның ӱлгӱзі хаҷан даа тоозылбас-ӱзілбес» (Лука 1:32, 33).

• Сірернің чуртазыңарны чахсыландырар сын, чахсы ӱлгӱ (Исаия 48:17, 18).

• Полар наа чир-чалбахта ағырығ чох, часкалығ чуртас (Азых чоох 21:3, 4).

Я, анзына киртінерге иң асхынах ікі сылтағ пар:

• Худайның Хан-ӱлгӱзі кізілерге ниме ит пирерін Иисус Христос кӧзіт пирген. Худайның Хан-ӱлгӱзі килерінеңер паза чир ӱстӱнде Худайның кӧңні толарынаңар пазырарға позының ӱгренҷілерін ӱгреткен (Матфей 6:9, 10). Иисус, полар Хан-ӱлгӱнің Ханы, ол пазырысха хайдағ нандырығ поларын іле кӧзіт пирген.

  Чирде чуртаанда, Иисус ӧзӧкчеткеннерні азыраан, ағырығларны имнеен паза ӧл парған кізілерні тіргіскен! (Матфей 15:29—38; Иоанн 11:38—44). Ол андағ киректернең хайдағ хайхастығ чуртас Худайның Хан-ӱлгӱзінде поларын кӧзіт пирген (Азых чоох 11:15).

• Худайның Хан-ӱлгӱзі чағыннапчатханын чир ӱстӱнде полчатхан киректер кӧзітчелер. Хан-ӱлгӱ чир ӱстӱнде амыр чуртас турғыс саларының саңай алнында чаалар, ӧзӧгістер паза чир тітірестері полар ӱчӱн чон ирееленер тіп Иисус азынада чоохтаан (Матфей 24:3, 7).

  Сах андағ киректерні піс пӱӱн кӧрчебіс. Аннаңар Худайның Хан-ӱлгӱзі прай чир ӱстӱндегі сидіксіністерні ӱр ниместең чох идібізеріне піске ікінҷілебеске чарир.