УРОК 4
Библияның стихтарына чоох пастааны
ХАЙДИ АНЗЫНА ЧИДІП АЛАРҒА:
-
Ноға Библияның кизегін хығырчазың, позың піліп ал. Библияның хайдағ сағызын іле кӧзідерге хынчатханыңны пілдістіг полар иде аннаң хығырар алнында чоохтап пир.
-
Кӧзіт пир: Библия улуғласха турыстығ. Худайға киртінчеткен кізілернең чоохтасчатсаң, Библияны Худай Сӧзі тіп ада. Іди ол киндеде Худайның хыйғазы пазылчатханын іле кӧзіт пирерзің.
-
Исчеткеннер Библияны хығырарын чидікпин сағызыннар. Библиядаң хығырар алнында Библияда нандырығ пирілчеткен сурығ турғыс; Библияның пу стиғы хайдағ сидікті пӧгерге полысчатханын іле кӧзіт пир. Алай Библияның стиғы піліп аларға полысчатхан принцип чоохтап пир.