Чахсы тимнен паза пазыр. Синзер кізілер хайди кӧрерінеңер сағынмин, ниме чоохтирынаңар сағынарға полыссын тіп Иеговадаң сурын. Исчеткеннерге хайдағ сағыстарны читір пирерін чахсы сағынып ал. Сағыстарны позыңның сӧстеріңнең чоохта. Чоох чоохтапчатсаң, пазылған текстті хығырба.

Ачых-чарых пол. Сағынып ал: син чоохтирға итчеткен нимелер ноға исчеткеннерге кирек. Андада хайди турчатханың, холларыңнаң хайди пулғапчатханың паза сырайың олаңай поларлар, іди чалахай паза паарсах кӧрінерзің.

Исчеткеннерзер кӧр. Чоох чоохтапчатсаң, кізілерзер кӧр. Пірдеезінзер кӧрбин, харахтарыңны аар-пеер ал чӧрбе, кізілерзер кӧні кӧр тур.