Ізестіг источниктерзер айлан. Библияа тӧстеніп чоохта, киліссе, аннаң хығыр пир тур. Наукаа, хабарға, пірее полған кирекке алай пасха даа нимее сылтанып чоохтирға итчетсең, анзына киртінерге чарир ба, чох па, ол информация иргілен парған ма, чох па, азынада кӧріп ал тур.

Информацияны алыстырба. Библияның стихтарын контекст хоостыра, Библияның ӧӧн темазының хоостыра паза «ізестіг паза хыйға нымысчының» пічіктерінең хоостыра чарыда чоохтап пир тур (Матф. 24:45). Информацияны пірее пасха источниктең алзаң, авторның сағызын алыстырба.

Исчеткеннерні синнең хада сағынарға кӧӧктір. Библиядаң хығырып алып алай хайдағ-да источниктең позыңның сӧстеріңнең чоохтап пиріп, исчеткеннерге орта сағысха килерге полыс пир. Анзын, сурығларны ипти турғызып алай килістіре кӧзідім кӧзідіп, идерге чарир.