Чооғыңның кӧстиин піліп ал. Синің алныңда хайдағ кӧстег турчатханын сағынып ал. Исчеткеннерге пірее нимедеңер чоохтап пирерге бе, оларны пірее нимее киртіндірерге бе алай пірее нимее-де кӧӧктірерге бе? Ол кӧстеге тӧстеніп, чооғыңны пӱдір. Полған на ӧӧн сағыс турғызылған кӧстеге чидерге полызар ба тіп сыныхтабыс.

Теманы іле кӧзіт. Чоохтың темазын кӧзітчеткен сӧстерні хатап-хатап чоохтанып паза синонимнернең тузаланып, чоохтың темазын чоох тооза іле кӧзіт.

Ӧӧн сағыстарны пілдістіг паза олаңай чоохта. Теманаң на палғалыстығ сағыстар ӧӧн сағыстар ползыннар. Оларны сағаа пирілген тусха чарыда чоохтирға маңнан. Ӧӧн сағыстар кӧп полбазын. Полған на сағысты іле кӧзіт, пір ӧӧн сағысты пасхазынаң паузанаң чар паза пасха сағысты кинетін чоохтап сыхпа.