Ӱніңнің кӱзін алыстыр. Ӧӧн сағыстарны іле кӧзідерге паза ниме-де идерге кӧӧктірерге кирек полза, тыыда чоохтан. Библиядағы чарғы сӧстерні хығырчатсаң, пу чӧпнең тузалан. Кізінің хорыхчатханын алай сағыссырапчатханын кӧзіт пирер ӱчӱн, исчеткеннер чоохтир нимені чидікпин сахтазыннар тіп, ӱніңнің кӱзін тӱзірібіс тур.

Ӱніңні пӧзік алай чабыс ит. Кӧңнің чалбырапчатханын, нименің-де синін алай нинҷе ырах-чағын полчатханын іле кӧзіт пирер ӱчӱн, пӧзік ӱннең чоохтан. Пичел алай сағыссырас кӧзіт пирер ӱчӱн, ӱніңні тӱзір.

Табырах алай кӧӧлҷе чоохтан. Ӧріністі кӧзідер ӱчӱн, табырах арах чоохтан. Аарлығ сағыстарны чоохтапчатсаң, кӧӧлҷе чоохтан.