Адамнаң Еваның палалары тӧреен сылтаанда чир ӱстӱнде кӧп чон ӧс парған. Пола-пола пірее ангеллер Худайға тоғырланыста Сайтанға хозылғаннар. Олар тигірнең чирзер тӱскеннер паза ипчілернең чуртир ӱчӱн, кізілерге хубулғаннар.

Ипчілер кӱстіг, чабал чӱректіг олаңай нимес кізілерні тӧреткеннер. Чир ӱстӱне чабал кізілер тол парған.

Библия чоохтапча: «Кізілер чир ӱстӱнде сайбах чуртап сыхханнар паза оларның чӱректерінең сыххан прай сағыстары чабалға ла айланғаннар».

Ной чахсы кізі полған. Иегова чайыхта чабал кізілерні чох идібізерінеңер Нойға чоохтаан.

Худай Нойға улуғ киме алай ковчег пӱдіріп аларға паза андар позының сӧбірезін паза ӧң-пасха аң-хустарны киріп аларға чахаан.

Чайых чағдапчатханнаңар Ной чонға азынада искірген, че оларның киректері халбаан. Піреезі Нойға кӱлҷеңнер, пасхалары хырт кӧргеннер.

Хаҷан ковчег тимде полғанда, Ной андар аң-хустарны кирген.