9 ЧАРДЫХ
Рай хаҷан килер?
Чир ӱстӱнде полчатхан нимелер Худай Хан-ӱлгӱзі ӱр ниместең устап пастирін кӧзітчелер (Лука 21:10, 11; 2 Тимофейге 3:1—5).
Пӱӱн полчатхан кӧп нимелер Библияда азынада пазыл парған. Анда кізілер ахчаа хынарлар, іҷе-пабаларын испестер, чабал киректер идерлер паза чуртастың хыниина ла тартыларлар тіп чоохталча.
Улуғ чир тітірістері, чаалар, паза чуғунҷах ағырығлар поларлар, ас-тамах чидіспес. Прай пу нимелер пістің тузыбыста полчалар.
Ідӧк Иисус Худай Хан-ӱлгӱзініңер чахсы хабар прай чир ӱстӱнде искірілерінеңер азынадох чоохтаан (Матфей 24:14).
Худай Хан-ӱлгӱзі прай чабалны чох идібізер (2 Петрның 3:13).
Ӱр ниместең Иегова прай чабалларны хырыбызар.
Сайтан паза айналар чарғыладарлар.
Худайның сӧзін исчеткен кізілер хорғыс чох мирде чуртирлар, хайда прай кізілер удур-тӧдір киртінізерлер паза хынызарлар.
Сірерге хынығ полар, арса
КИНДЕЛЕР ПАЗА БРОШЮРАЛАР
Худайның Хан-ӱлгӱзі нимедір ол?
Чирде чуртаанда Худайның Хан-ӱлгӱзі кізілерге ниме ит пирерін Иисус Христос кӧзіт пирген.
КИНДЕЛЕР ПАЗА БРОШЮРАЛАР
Ирее чох чуртас полар ба?
Библияда Худай прай иреелерні чох идібізер тіп чоохталча. Ол сыны чох тудынысты хырт кӧрче паза кізілердеңер сағыссырапча. Анзын пілгені сірерге ниме пирер?
