3-ҶІ УРОК
Библияа киртінерге чарир ба?
Библияда чахсы чӧптер паза молҷағлар пар. Сірер аннаң танызып аларға хынча поларзар. Че андағ иргі киндеде пазыл парған нимее киртінерге чарир ба? Библиядағы чӧптер тузаланарға турыстығлар ба? Аның молҷағлары толарлар ба? Миллионнар анзында ікінҷілебинчелер. Пу киречілестердеңер сағын кӧріңер.
1. Библияда сын алай тайма ниме пазыл парған ма?
Библия анда сынның сӧстері хап-орта пазыл парған тіпче (Экклезиаст 12:10). Анда сынап полған киректер пазылча паза сынап чуртаан кізілердеңер чоохталча. (Лука 1:3; 3:1, 2 хығырыбызыңар.) Библияда пазылған чылларның, аттарның, орыннарның паза киректернің хап-орта пазылғанын кӧп тархынҷылар паза археологтар киречілепчелер.
2. Библияның иргілен парбаанын хайдаң пілчебіс?
Библия кӧп сурығларда позының тузынаң алнынзар парыбысхан. Кӧзідімге, анда пазылған научнай факттар ол туста чуртаан кізілернің сағыстарынаң саңай пасха полғаннар. Че пӱӱнгі наука Библия хап-орта пасханын киречілепче. Библия хаҷан даа ізестіг полған паза полар (Псалом 111:8).
3. Ноға Библиядағы ухаанҷыластарға киртінерге чарир?
Библияда полғалах киректердеңер ухаанҷыластар a пазылча (Исаия 46:10). Анда тархында полған кӧп киректер оларның поларынаң хай-хай алнында хап-орта пазыл парғаннар. Анда ідӧк пӱӱн чир-чалбахта полчатхан киректер хап-орта пазыл парғаннар. Пу урокта Библияның ухаанҷыластарының піреелерін кӧр кӧрербіс. Оларның хап-орта тол парғаннарына хайхап парарзар!
ТИРЕҢ АРАХ ХАС КӦРІҢЕР
Библияда пазылған нимелерні пӱӱнгі научнай факттарнаң тиңнестір кӧріңер паза Библиядағы ухаанҷыластарның піреелерінең таныс кӧріңер.
4. Библия наукаа тоғырланминча
Пурунғыда кӧбізі Чир хайдағ-да кӧрінчеткен нимеде турча тіп киртінҷең полған. ВИДЕОРОЛИК кӧріп алыңар.
3 500 чылҷа мының алнында Библияда ниме пазылғанына хайығ салыңар. Иов 26:7 хығырып алып, пу сурыға нандырыңар:
-
Библияда «Чир чох нимеде ілінче» тіп пазылғаны нименең хайхастығ?
«Круговорот воды в природе» теен ниме хайди полчатханын 200-че ле чыл мының алнында піліп алғаннар. Че Библияда нинҷе-де муң чыл мының алнында ниме пазылғанына хайығ салыңар. Иов 36:27, 28 хығырып алып, пу сурығларға нандырыңар:
-
«Круговорот воды в природе» іди ле чарыда чоохталчатханы нименең хайхастығ?
-
Пу стихтар Библияа киртінізіңерні тыытча ба?
5. Библияда аарлығ киректер азынада чоохталча
Исаия 44:27—45:2 хығырып алып, пу сурыға нандырыңар:
-
Вавилон уттыр салғаннаң 200 чыл азынада Библияда ол чаадаңар хайдағ оох-теек нимелер пазыл парған?
Кир, Перс ханы, позының армиязынаң хада Вавилонны п. э. алнында b 539 чылда чиңіп алғанын тархын киречілепче. Олар Вавилонны арачылапчатхан суғны соолдырыбысханнар, анаң азых халған хаалхаларҷа саарзар кір килгеннер. Саарны чаа чох чиңіп алғаннар. Пӱӱн, 2 500 азыра чыл ирт парғанда, Вавилонның орнында ӱӱнҷектер ле чатчалар. Аннаңар Библия ниме ухаанҷылаанына хайығ салыңар.
Исаия 13:19, 20 хығырып алып, пу сурыға нандырыңар:
-
Вавилоннаңар ухаанҷылас хайди тол парған?
Иңзеріл парған Вавилон пӱӱнгі Иракта
6. Библияда пӱӱн полчатхан киректер пазыл парғаннар
Библияда пістің кӱннер «тӱгенҷі кӱннер» тіп адалчалар (2 Тимофейге 3:1). Кӧріңер, Библия хоостыра тӱгенҷі кӱннерде хайдағ киректер поларға кирек.
Матфей 24:6, 7 хығырып алып, пу сурыға нандырыңар:
-
Библия хоостыра, тӱгенҷі кӱннерде хайдағ киректер паза хайдағ чуртас поларға кирек?
2 Тимофейге 3:1—5 хығырып алып, пу сурығларға нандырыңар:
-
Библия хоостыра, тӱгенҷі кӱннерде кізілернің хылыхтары хайдағ полар?
-
Кізілернің андағ хылыхтығ пол парғанын сизінчезер бе?
КЕМ-ДЕ ПІДИ ТІПЧЕ: «Библия мифтер чыындызы».
-
Хайди сағынчазар, Библия ізестіг кинде полчатханын ниме иң чахсы киречілепче?
ӦӦН САҒЫС
Тархын, наука паза тол парған ухаанҷыластар Библия киртіске турыстығ кинде тіп киречілепчелер.
Сағысха хатап кир кӧреелер
-
Библияда сын ниме алай тайма ниме пазылых?
-
Библияның наукаа тоғырланминчатханын хайдағ кӧзідімнер кӧзітчелер?
-
Библиядағы ухаанҷыластар толчатханына киртінчезер бе? Чарыда чоохтап пиріңер.
ХОЗА ІСТЕЗІҢЕР
Наука Библияда алҷаастар таапча ба?
«Тӱгенҷі кӱннер» хайдағ поларға кирек?
«6 аарлығ ухаанҷылас. Оларның толчатханын піс кӧрчебіс» («Сторожевой башня», 1 сілкер айы, 2011 чыл)
Библия пурунғы Грециядаңар ниме ухаанҷылаан піліп алыңар
Библиядағы ухаанҷыластарны істескен соонда, хайди пір кізі ол киндее кӧрізін алыстырыбысханын піліп алыңар.
«Мин Худайға киртінмеҷең полғам» («Сторожевой башня», 5 №, 2017 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
