Пу библейскай курсты хайди иртерге
Курс хайди иртчеткенін піліп алар ӱчӱн, ВИДЕОРОЛИК кӧріп алыңар.
УРОКТЫҢ ПАСТАҒЫ ЧАРДЫҒЫ
Ӱгредіге тимненчетсер, уроктың пастағы чардығын хығырып алыңар. Арландырған сурығлар (А) паза библейскай стихтар (Б) ӧӧн сағыстарны іле кӧзітчелер. Хайығ салыңар: пірее стихтарның хыринда «хығырыбызыңар» тіп пазылча.
УРОКТЫҢ ӦӦН ЧАРДЫҒЫ
«Тирең арах хас кӧріңер» тіп подзаголовоктағы сағыстар (В) аннаң андар істезерге кӧӧктірчелер. Пу чардыхтың пункттарын (Г) ӱзӱрерге кирек. Библияның стихтарын ӱгретчінең хада хығырып алып, пирілген сурығларға нандырыңар паза прай видеоларны кӧріп алыңар.
ВИДЕО тіп рамка текстте пазылған видеороликсер кӧні ызыбызар. Пірее видеороликтерде сынап полған киректер кӧзіділчелер. Пасхалары, тізең, чуртастаң алып, турғызылған видеороликтер.
Иллюстрацияларға паза оларны чарытчатхан сӧстерге (Д) хайығ салыңар. «Кем-де піди тіпче» (Е) тіп рамкадағы сурыға хайди нандырарға сағынып алыңар.
УРОКТЫҢ ХАЛҒАНҶЫ ЧАРДЫҒЫ
«Ӧӧн сағыс» паза «Сағысха хатап кир кӧреелер» (Ж) тіп рамкалар уроктаң алған пілістерні ундутпасха полысчалар. Урокты ӱзӱрібіссер, дата пас салыңар. «Кӧстеглер» (З) тіп рамка алған пілістернең тузаланарға полызар. «Хоза істезіңер» (И) тіп рамкада хоза статьялар паза видеолар таап аларзар.
Библияның стихтарын хайди таап аларға?
Библия — 66 кічиҷек кинденің чыындызы. Ол ікі чардыхтығ: еврейлер паза арамейлер тіллерінең пазылған Пічіктер («Пурунғы Молҷағ») паза грек тілінең пазылған христианскай Пічіктер («Наа Молҷағ»).
Пу курста Библияның стиғы кӧзіділчетсе, пастап Библияның киндезі (А), анаң пастағ (Б) паза стих алай стихтар (В) кӧзіділче.
Кӧзідімге, Иоанн 17:3 Иоанның Чахсы Хабарын 17-ҷі пастағны, 3-ҷі стихты кӧзітче.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
