01-ҒЫ УРОК
Хайди Библия сірерге полыс полар?
Чуртастың смыслынаңар, алнында ниме поларынаңар, иреелердеңер паза ӧлімнеңер сағынмаан кізі чох таа полар. Ағаа хоза, полған на кізі хайди сӧбірені часкалығ идіп аларынаңар, хайди ахча тоғынып аларынаңар сағыссырапча. Кӧп кізілер ол сурығларға нандырығлар паза чуртасха тузалығ чӧптер Библияда таап алғаннар. Хайди сағынчазар, Библия кемге туза поларҷых?
1. Библия хайдағ сурығларға нандырча?
Библияда сірер мындағ аарлығ сурығларға нандырығлар таап аларзар: чуртас хайдаң килген? Чуртастың смыслы хайдағ? Ноға чахсы кізілер ирееленчелер? Ӱреен соонда кізінең ниме полча? Прай кізілер амыр чуртирға хынчатсалар, ноға сыбыра чаалар полчалар? Чирні ниме сағыпча? Мындағ сурығлар ноо даа кізінің алнында турчалар. Миллионнар пу сурығларға нандырығларны Библияда таап алғаннар.
2. Библия хайди полысча?
Анда тузалығ чӧптер уғаа кӧп. Кӧзідімге, хайди сӧбіреде часкалығ поларға? Хайди стресске пастырт салбасха? Хайди тоғысха хынып аларға? Пу публикацияны хада ӱзӱрзебіс, Библия мындағ паза пасха даа киректерде туза полчатханын кӧр саларзар. Сынап «прай Ызых Пічии [Библияда пазылған прай нимелер]... орта чуртирына ӱгретчеткенін» піліп аларзар (2 Тимофейге 3:16).
Пу публикация Библия орнына сығарылбаан, че аны ӱгренерге кӧӧктірче. Аннаңар мында пирілген полған на стихты, Библия азып, хығырып ал турыңар паза оларны пу публикацияда пазылған сағыстарнаң тиңнестіріңер.
ТИРЕҢ АРАХ ХАС КӦРІҢЕР
Библия кізілерге хайди полысча? Хайди аны хығырарға хынып аларға? Аны піліп аларға ноға полызығ кирек? Пу сурығларны хада ӱзӱрібізеелер.
3. Библия чуртасха устағлар пирче
Библияны чарытхынаң тиңнестірерге чарир. Ол орта пӧгіннер аларға паза алнында пісті ниме сағыпчатханын кӧрерге полысча.
Псалом 119:105 хығырып алып, пу сурығларға нандырыңар:
-
Пу псаломны пасхан кізі Библияа хайди хайған?
-
Хайди сірер Библияа хайчазар?
4. Библия пістің сурығларыбысха нандыр полар
Пір ипчі кӧп чыллар аны сағыссыратхан сурығларға нандырығларны Библияда таап алған. ВИДЕОРОЛИК кӧріп алып, пу сурығларға нандырыңар.
-
Пу ипчінің хайдағ сурығлар полған?
-
Библияны ӱгренгені ағаа хайди полыс пирген?
Библия пісті сурығлар турғызарға кӧӧктірче. Матфей 7:7 хығырып алып, пу сурыға нандырыңар:
-
Хайдағ сурығларыңа Библия нандыр пирзін тіп хынчазар?
5. Библияны хынып хығырыңар
Библияны хығырарға кӧп кізі хынча, ол оларға тың полысча. ВИДЕОРОЛИК кӧріп алып, пу сурығларға нандырыңар.
-
Пу чииттер хығырарға хынчалар ба?
-
Андағда ноға олар Библияны хығырарға хынчалар?
Библия часхарыс паза ізеніс пирче. Римдегілерге 15:4 хығырып алып, пу сурыға нандырыңар:
-
Библия сірерні хайди часхар поларын паза сірерге ізеніс пир поларын піліп аларға хынчазар ба?
6. Библияны піліп алар ӱчӱн, пасхаларының полызии кирек
Библияны пос алынҷа хығырғанына хоза, аны пасхаларынаң ӱзӱргені туза полча. Илҷілернің 8:26—31 хығырып алып, пу сурыға нандырыңар:
-
Хайди Библияны піліп аларға? (30 паза 31 стихтарны кӧріңер.)
Ызых пічікті піліп алар ӱчӱн, эфиоп кізее полызығ кирек полған. Пӱӱн ідӧк кӧп кізі Библияны пасхаларынаң хада ӱзӱрче
КЕМ-ДЕ ПІДИ ТІПЧЕ: «Библияны ӱгреніп, тус ла хорадарға».
-
Хайди сірер нандырарҷыхсар? Ноға?
ӦӦН САҒЫС
Библияда тузалығ чӧптер паза аарлығ сурығларға нандырығлар пар, ідӧк ол часхарыс паза ізеніс пирче.
Сағысха хатап кир кӧреелер
-
Чуртастың хайдағ хыриларында Библия піске полыс полар?
-
Библия хайдағ сурығларға нандырча?
-
Библиядаң ниме піліп аларға хынчазар?
ХОЗА ІСТЕЗІҢЕР
Библияның чӧптері амғы туста нинҷе туза полчатханнаңар хығырып алыңар.
«Хаҷан даа тузалығ чӧптер» («Сторожевой башня», 1 №, 2018 чыл)
Кічігдең ала эмоциональнай саринаң ирееленген иренге Библия хайди полыс пиргеннеңер видео кӧріп алыңар.
Библия хоостыра, сӧбірелерге часкалығ полар ӱчӱн, ниме кирек полчатханын піліп алыңар.
«Сӧбірелерге часкалығ поларға полысчатхан 12 чӧп» («Усхуныңар!», 2 №, 2018 чыл)
Чир-чалбахнаң сынында кем устапчатханын Библия хайди кӧзітчеткенін піліп алыңар.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
