02-ҶІ УРОК
Библия ізеніс пирче
Пӱӱн кізілер прай чир ӱстӱнде уғаа кӧп сидіктер, стресстер кӧрчелер, ідӧк уғаа кӧп сағыссырапчалар паза харах чазын тӧкчелер. Сірерні дее ниме-де сағыссыратча ба? Ағырыбысхазар ба алай пірее чағын кізі ӱреп парған ма? Арса, сірер сурчазар: «Хаҷан-полза чахсы арах чуртас полар ба?» Библияның нандырии сірерге ізеніс пирче.
1. Библия хайдағ ізеніс пирче?
Библия ноға тилекейде анҷа кӧп сидіктер полчатханнаңар ла чоохтабинча, че ӱр ниместең ол сидіктер чох пол парарынаңар чахсы хабар искірче. Библияның молҷағлары сірерге алнындағы чуртас паза ізеніс пир полар. (Иеремия 29:11, 12 хығырыбызыңар.) Ол молҷағлар, сидіктер полза даа, піске амох часкалығ поларға полысчалар паза алнынзархы чуртас чахсы поларына пик ізеніс пирчелер.
2. Библия хоостыра, алнынзархы чуртас хайдағ полар?
Библияда чоохталча: «Ӧлім дее, ылғас таа, сыхтас таа паза ағырығлар даа чох пол парарлар». (Азых чоох 21:4 хығырыбызыңар.) Пӧгілбес тіп пілдірчеткен сидіктер, кӧзідімге, хызылыс, сыны чох тудыныс, ағырығлар паза ӧлім, саңай чох пол парарлар. Библия кізілер чир ӱстӱндегі райда мӧгі чуртирлар тіп молҷапча.
3. Библияның молҷағлары тол парарына хайди киртініп аларға?
Кӧп кізі чуртас чахсы полар тіп ізенче, че ол ізеніс толар ба, толбас па пір дее кізі пілбинче. Библия пирчеткен молҷағлар, тізең, саңай пасхалар. Библияны чахсы істессер, анзын постарың піліп аларзар (Илҷілернің 17:11). Пу публикацияны ӱгрензер, Библияның молҷағларына киртінерге чарир ба, чарабас па піліп аларзар.
ТИРЕҢ АРАХ ХАС КӦРІҢЕР
Библияда алнынзархызынаңар ниме чоохталчатханын кӧр кӧріңер. Библия пирчеткен ізеніс хайди кізілерге пӱӱнӧк полысчатханнаңар піліп алыңар.
4. Библия уғаа чахсы паза мӧгі чуртас молҷапча!
Алтында Библияның пірее молҷағлары пазыл парғаннар. Оларның хайзы сірернің кӧңніңерге иң тың кірче? Ноға?
Библияның стихтары полған на молҷағның хости пирілчелер, оларны хығырып алып, пу сурығларға нандырыңар:
-
Сірерге андағ ізеніс кирек пе? Сірернің туғаннарыңа паза нанҷыларыңа чи?
Сағын кӧріңер, ол молҷағлар толза, хайдағ чуртас полар?
|
ПІРДЕЕЗІ... |
ПОЛҒАН НА КІЗІ... |
|---|---|
|
|
|
|
|
|
|
|
|
|
5. Библия пирчеткен ізеніс сидіктерге пасха харахнаң кӧрерге полысча
Пу чир-чалбахта полчатхан нимелерні кӧріп, кӧп кізі хомзынча. Кем-де чуртасты алыстырыбызарға кӱстенче. Библияның чахсы чуртастаңар молҷағлары хайди кізілерге пӱӱнӧк полысчатханын піліп алыңар. ВИДЕОРОЛИК кӧріп алып, пу сурығларға нандырыңар:
-
Хайдағ тудыныс Рафиканы хомзындырған?
-
Чуртас алыспаан полза даа, Библияны ӱгренгені аның чӱреен хайди амыратхан?
Библияның молҷағлары, сидіктер полза даа, чобалбасха паза часкалығ поларға полысчалар. Притчи 17:22 паза Римдегілерге 12:12 хығырып алып, пу сурыға нандырыңар:
-
Библияда чоохталчатхан нимелерге киртініп алзар, чуртазыңар чахсы арах полар ба? Ноға?
КЕМ-ДЕ ПІДИ ТІПЧЕ: «Библияның молҷағлары — сіліг нымах ла».
-
Ол молҷағлар сын ма, чох па ноға посха піліп аларға кирек?
ӦӦН САҒЫС
Библия ізеніс пирче паза сидіктерге амох пасха харахнаң кӧрерге полысча.
Сағысха хатап кир кӧреелер
-
Ноға кізілерге ізеніс кирек?
-
Алнынзархы чуртастаңар Библия ниме чоохтапча?
-
Худай пирчеткен ізеніс хайди сірерге амох полыс полар?
ХОЗА ІСТЕЗІҢЕР
Ізеніс нинҷе кӱстіг піліп алыңар.
«Ізеніс. Ол сынап полысча ба?» («Усхуныңар!», 22 хосхар айы, 2004 чыл)
Хроническай ағырығлығ кізілерге ізеніс хайди полысчатханын піліп алыңар.
«Хроническай ағырығлығ кізее Библия полыс полар ба?» (веб-статья)
Пу видеороликті кӧрчетсер, постарыңнаңар паза чағыннарыңнаңар полар райда чуртапчатхан чіли сағын кӧріңер.
Библиядағы ізеністеңер піліп алғанда, хайди пір активисттің чуртазы алыс парғаннаңар хығырып алыңар.
«Ам мағаа чир-чалбахты алыстырарға кирек тіп санабинчам» («Сторожевой башня», 1 от айы, 2013 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
