05-ҶІ УРОК
Библия — Худай піске пирген пічік
Иегова піске уғаа чахсы сыйых сыйлап пирген. Ол сыйых — Библия, 66 кинденің чыындызы. Хайди ол пазылғанын паза кем аның авторы полчатханын піліп аларға хынчазар ба? Нандырығны пу урокта таап аларзар.
1. Библияны кізілер пасханнар, че ноға Худай аның авторы полча?
Библияны 1 600-че чыл аразында, п. э. алнындағы 1513 чылдаң сығара п. э. 98 чылға читіре, 40-ча кізі пасхан. Аны аймах-пасха кізілер пасхан полза даа, ол пір кинде пол парған. Библияның прай кинделері удур-тӧдір палғалыстығ. Хайди іди пол парған? Библияның авторы — Худай, аннаңар олар удур-тӧдір палғалыстығлар (1 Фессалониктегілерге 2:13 хығырыбызыңар.) Кізілер постарының сағыстарын нимес, че Худайның сағыстарын пасханнар. Олар «Худай Худының устаанынаң... чарлааннар» a (2 Петрның 1:21). Библияны пасханда, оларға Худайның ызых худы сағыстар пирген (2 Тимофейге 3:16).
2. Полған на кізее Библияны хығырарға оңдай пар ба?
Хайдағ даа нациядаң, сӧӧктең паза чоннаң сыххан кізее Библиядағы чахсы хабарнаң танызып аларға оңдай пар. (Азых чоох 14:6 хығырыбызыңар.) Худай кӧңні хоостыра, Библияны уғаа кӧп тіллерге тілбестееннер. Анзында аннаң пір дее кинде тиңнес полбас. Чир ӱстӱнде полған на кізее — хайда даа чуртаза, хайдағ даа тілнең чоохтанза — Библияны хығырарға оңдай пар.
3. Библия пістің тусха читсін тіп, Иегова ниме иткен?
Библия мал теері паза папирус осхас порт материалларда пазылған. Че Библияны аарлапчатхан кізілер аны хап-орта хобыра пасчаңнар, анаң ол хобыра пасхан пічіктердең пазох хобыра пасчаңнар. Ӱлгӱдегілер Библияны чох идібізерге кӱстенгеннер, че ол киндені, чуртастарына даа айабин, ал халарға кӱстенген кізілер полғанох. Иегова ағаа піснең чоохтазарға харығ поларға пір дее нимее алай пір дее кізее пирбеен. Библияда чоохталча: «Пістің Худайыбыстың сӧзі хаҷан даа полар» (Исайя 40:8).
ТИРЕҢ АРАХ ХАС КӦРІҢЕР
Хайди Худай Библия пасхан кізілерге сағыстар пиргенін, хайди ол киндені ал халғанын паза хайди амғы туста полған на кізее аны хығырарға оңдай парын піліп алыңар.
4. Кем аның авторы полчатханнаңар Библия позы чоохтапча
ВИДЕОРОЛИК кӧріп алыңар, анаң, 2 Тимофейге 3:16 хығырып алып, пу сурығларны ӱзӱрібізіңер:
-
Библияны кізілер пасханда, ноға ол Худай Сӧзі тіп адалча?
-
Хайди сағынчазар, Худай позының сағыстарын Библияны пасхан кізілерге пиргеніне киртінерге чарир ба?
Пічікті хачы пасхан полза даа, ол пічіктің авторы аны пастырған кізі полча. Библияны кізілер пасханнар, че анда Худайның сағыстары пазыл парғаннар
5. Библия прай тоғырланыстарны тобыр парыбысхан
Ікінҷілес чоғыл, Библия Худайның киндезі полза, ол аны арачылир. Ӱлгӱ тутчатхан кізілер Библияны чох идерге кӱстенгеннер. Тигіриб устағҷылары кізілер Библияны хығыр полбазыннар паза піл полбазыннар тіп кӱстенгеннер. Андағ даа тоғырланыс полза, кӧп кізілер, чуртастарын даа хорғысха суғып, Библияны арачылааннар. Пу ВИДЕОРОЛИКТЕ андағ кізілернің пірсінең танызып алып, ӱзӱрібізіңер:
-
Библияны ал халарға нинҷе кӱс салғаннарын піліп алғанда, аны хығырарыңар килче бе? Ноға?
Псалом 119:97 хығырып алып, ӱзӱрібізіңер:
-
Ноға кӧп кізілер, чуртастарына даа айабин, Библияны тілбестееннер паза таратханнар?
6. Прай кізілерге пазылған кинде
Тархында Библия чіли тарап парған кинде чоғыл. Пір дее кинде анҷа кӧп тілге тілбестелбеен. Илҷілернің 10:34, 35 хығырып алып, пу сурығларны ӱзӱрібізіңер:
-
Ноға Худай позының пічиин анҷа кӧп тіллерге тілбестезіннер тіп хынча?
-
Библиядаңар піліп алған нимелернің хайзы сірерге иң хайхастығ пілдірче?
Чирде
100%
тее кізі
позы пілчеткен тілнең Библияны хығыр полча
Прай алай чардыхти
3 000
азыра тілге
тілбестелген
5 000 000 000
Чир ӱстӱнде анҷа кӧп Библия пар.
Пір дее пасха кинде Библиянаң тиңнес полбас
КЕМ-ДЕ ПІДИ ТІПЧЕ: «Библия — кізілер пас салған, иргі кинде».
-
Сірер хайди сағынчазар?
-
Библия Худайның пічии полчатханына хайдағ киречілестер пар?
ӦӦН САҒЫС
Библия — Худайның пічии. Худай полған на кізее аны хығырарға оңдай пирген.
Сағысха хатап кир кӧреелер
-
Библияны кізілер пасханда, ноға ол Худай пирген кинде полча?
-
Библия сірерге нименең хайхастығ: пістің тусха читкенінең, кӧп тілге тілбестелгенінең алай кӧп тарап парғанынаң?
-
Худай піснең чоохтазар ӱчӱн, анҷа кӱс салғанын піліп алып, ниме чувствовать полчазар?
ХОЗА ІСТЕЗІҢЕР
Библияның тархынын пурунғы свитоктардаң амғы тілбестеглерге читіре хығырып алыңар.
«Хайди Библия пістің тусха читкен» («Усхуныңар!», кічіг хырлас айы, 2007 чыл)
Библия хайдағ ӱс хорығысты тобырып алғанын піліп алыңар.
«Библия. Хайди ол пістің тусха читкен» («Сторожевой башня», 4 №, 2016 чыл)
Библияны тілбестир ӱчӱн, кізілер хайди чуртастарын хорғысха сухханнарын піліп алыңар.
Библияны уғаа кӧп хобырғаннар паза уғаа кӧп тіллерге тілбестееннер. Андағда ол пістің тусха пір дее алыспин читкенінде ноға ікінҷілебеске чарир?
«Библияда алҷаастар алай ӧнетін иткен алызығлар пар ба?» (веб-статья)
a 7-ҷі урокта ызых хут Худайның тоғынчатхан кӱзі тіп чоохталча.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
