07-ҶІ УРОК
Иеговадаңар ниме пілчебіс?
Хайди сағынчазар, Иегова Худай хайдағ ол? Сірер ағаа хайхапча поларзар, че олох туста ол, пасха галактикадағы чылтыстар чіли, уғаа ырах пілдірче полар. Алай аннаңар личность нимес, че кӱгӱрт осхас илбек кӱс тіп сағынчазар, арса. Сынында Иегова хайдағ? Иегова Библияда позының пірее качестволарын асча, сірердеңер сағыссырапчам тіп чоохтапча.
1. Ноға Худай піске кӧрінминче?
«Худай — Хут» (Иоанн 4:24). Иегованың ит-сӧӧгі чоғыл. Піс аны даа, ол чуртапчатхан орынны даа кӧр полбинчабыс.
2. Иегованың хайдағ качестволар пар?
Иегова кӧрінминче, че ол сынап пар. Кізі аннаң чағын арах танысса паза аның уғаа чахсы качестволарын піліп алза, ағаа хайди даа хыныбысча. Библияда чоохталча: «Иегова сын тудынысха хынча, ағаа киртістіглерні ол артыспас» (Псалом 37:28). Ідӧк ол уғаа паарсах паза айаачы, ирееленчеткеннерге уламох айапча (Иаковтың 5:11). «Иегова чӱректерінде чобалчатханнарға чағын, чобаға пастыр салғаннарны ол арачылапча» (Псалом 34:18). Хайдағ пӧгіннер алчатханыбысха Иегова хайығ салча. Сірер анзын пілчезер бе? Хомай тудынчатхан кізі аның чӱреен ағыртча (Псалом 78:40, 41). Чахсы тудынчатхан кізі, тізең, Иегованың чӱреен ӧріндірче. (Притчи 27:11 хығырыбызыңар.)
3. Піске хынчатханын Иегова хайди кӧзітче?
Иегованың иң чахсы качествозы — хыныс. Библияда: «Худай — хыныс», — тіп пазылча (1 Иоанның 4:8). Иегова піске хынчатханын піс Библиядаң на нимес, че ол чайаан нимелердең дее піліп алчабыс. (Илҷілернің 14:17 хығырыбызыңар.) Кӧзідімге, кізі хайди чайалғаннаңар сағын кӧреелер. Піс аймах-пасха ӧңнер кӧрчебіс, сіліг кӧглер исчебіс паза чиистің аймах-пасха тадии пісті ӧріндірче. Худай пісті ӧрінзіннер тіп хынча, аннаңар прай пу нимелерні сыйлап пирген.
ТИРЕҢ АРАХ ХАС КӦРІҢЕР
Иегова позының хайхастығ киректерін, нименең тузаланып, итчеткенін піліп алаалар. Позының чахсы качестволарын хайди кӧзітчеткенін кӧр кӧреелер.
4. Ызых хут — Худайның тоғынчатхан кӱзі
Піс хайдағ-да тоғысты холларыбыснаң итчебіс, Иегова, тізең, ызых худынаң тузаланча. Библияда ызых хут тіріг ниме нимес, че Худайның кӱзі тіп чоохталча. Ол кӱснең Худай прай ниме итче. Лука 11:13 паза Илҷілернің 2:17 хығырып алып, ӱзӱрібізіңер:
-
Піс Худайдаң ызых хут сурынзабыс, ол піске пирер. Андағда ызых хут личность алай Худайның кӱзі? Чарыда чоохтап пиріңер.
Иегова позының худынаң хайхастығ киректер итче. Псалом 33:6 паза 2 Петрның 1:20, 21 хығырып алып, ӱзӱрібізіңер:
-
Иегова позының ызых худынаң тузаланчатханын хайдағ кӧзідімнер кӧзітчелер?
5. Иегованың хайхастығ качестволары
Моисей Худайның киртістіг нымысчызы полған. Ол Худайдаңар кӧп пілген полза даа, кӧп арах піліп аларға кӱстенген. Аннаңар ол Худайдаң сурынған: «Чолларыңны піліп аларға пир. Сині пілерге хынчам» (Исход 33:13). Моисей іди сурынғанда, Иегова ағаа позынаңар чоохтап пирген. Исход 34:4—6 хығырып алып, пу сурығларны ӱзӱрібізіңер:
-
Иегова Моисейге позынаңар ниме чоохтап пирген?
-
Иегованың хайдағ качестволары сірернің кӧңніңерге иң тың кірче?
6. Иегова кізілердеңер сағыссырапча
Пурунғыда Худайның чоны, еврейлер, Египетте хуллар полғаннар. Оларның ирееленчеткеннерін кӧріп, Иегованың чӱреенде ниме полған? АУДИОЗАПИСЬ ойнадып, Библиядағы стихтарны хығырчатханын истіп алып алай Исход 3:1—10 хығырып алып, пу сурығларны ӱзӱрібізіңер.
-
Пу кизек хоостыра, кізілернің ирееленчеткеннерін кӧрзе, Иегованың чӱреенде ниме полча? (7-ҷі паза 8-ҷі стихтарны кӧріңер.)
-
Хайди сағынчазар, Иегова кізілерге полыс пирерге хынча ба паза полыс полар ба? Чарыда чоохтап пиріңер.
7. Чир-чайаан Иеговадаңар кӧп ниме чоохтапча
Иегованың качестволары аның чайаахтарында кӧрінче. ВИДЕО кӧріп алыңар. Анаң Римдегілерге 1:20 хығырып алып, ӱзӱрібізіңер.
-
Чайаахтарда Иегованың хайдағ качестволары кӧрінче?
КЕМ-ДЕ ПІДИ ТІПЧЕ: «Худай — ол кӱс ле. Ол прай чирде паза прай нимеде пар».
-
Сірер чи, хайди сағынчазар?
-
Ноға іди сағынчазар?
ӦӦН САҒЫС
Иегова — кӧрінмес хут. Аның чахсы качестволары уғаа кӧп. Иң чахсы качествозы — хыныс.
Сағысха хатап кир кӧреелер
-
Ноға Иегова піске кӧрінминче?
-
Ызых хут нимедір ол?
-
Иегованың хайдағ качестволар пар?
ХОЗА ІСТЕЗІҢЕР
Иегованаң чағын арах танызып алар ӱчӱн, аның тӧрт ӧӧн качествозын піліп алыңар.
Иегова пір саңай прай чирде чуртабинчатханына киречілестернең танызып алыңар.
Ноға Библия ызых хутты Худайның холлары тіп адапчатханын піліп алыңар.
Пір харах чох оол Худайның ағаа кирегі халбинча тіп сағынған. Ноға ол позының кӧрізін алыстырыбысхан? Піліп алыңар.
«Ам мин пасхаларына полыс полчам» («Сторожевой башня», 1 чарыс айы, 2015 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
