09-ҶЫ УРОК
Пазырыс пастыра Худайға чағдаңар
Устағлар полған полза, чахсы поларҷых тіп пірее хати сағынғазар ба? Аарлығ сурығларға нандырығлар тілепчезер бе? Алай сірерге часхарыс паза хабазығ кирек пе? Иеговаа чағын арах полып аларға хынчазар ба? Прай пу киректерде сірерге пазырыс полыс полар. Че хайди пазырарға? Худай прай пазырыстарны исче бе? Худай сірерні иссін тіп, ниме идерге кирек? Пу сурығларға нандырығлар піліп алаалар.
1. Кемге паза нимедеңер пазырарға кирек?
Иисус тигірдегі ле Пабабысха пазырарға кирек тіп ӱгреткен. Ол позы даа Иеговаа пазырған. Ол теен: «Сірер, тізең, піди пазырыңар: Тигірдегі Пабабыс...» (Матфей 6:9). Иеговаа пазырып, піс аннаң ынархазыбысты тыытчабыс.
Прай даа нимедеңер пазырарға чарир. Че пазырыс Худайның кӧңнінҷе полза ла, ол нандырар. «Худайның кӧңніне кірчеткен нимелернің хайзын даа сурзабыс, Ол пісті исче» (1 Иоанның 5:14). Иисус пазырысха килістіре нинҷе-де тема кӧзіт пирген. (Матфей 6:9—13 хығырыбызыңар.) Позыбыстаңар ла сурынарға чарабас, піске иткен киректерінің ӱчӱн Худайны алғыстирға паза пасхаларының ӱчӱн сурынарға кирек.
2. Хайди пазырарға?
Библия пісті хығырча: «[Худайның] алнында чӱрееңерні прай азыңар» (Псалом 62:8). Аннаңар прай чӱрекнең пазырарға кирек. Істібісте дее, истілдіре дее пазырарға чарир, че пазырчатсабыс, Иегованы улуғлапчатханыбыс кӧрінерге кирек. Піске хайда даа паза хаҷан даа пазырарға чарир.
3. Пазырыстарыбысха Худай хайди нандырча?
Худай пазырыстарға аймах-пасха оңдайларнаң нандырча. Сурығларыбысха нандырығларны Иегованың Сӧзінде, Библияда, таап аларға чарир. Худайның Сӧзін хығырғаны «олаңай кізіні хыйға итче». (Псалом 19:7; Иаковтың 1:5 хығырыбызыңар.) Сидіктерде Худай чӱреебісті амырадар. Паза ол, піске кирек полза, нымысчыларының пастыра полызар.
ТИРЕҢ АРАХ ХАС КӦРІҢЕР
Хайди Худайның кӧңніне кірер иде пазырарға? Пазырыс сірерге хайдағ туза ағылар? Пу сурығларны ӱзӱр кӧреелер.
4. Хайди Худайның кӧңніне кірер иде пазырарға?
Пазырыстарыбыс Худайның кӧңніне кірчеткенін-кірбинчеткенін хайди піліп аларға? ВИДЕОРОЛИК кӧріп алыңар.
Иегова пісті ағаа пазырзыннар тіп хынча. Псалом 65:2 хығырып алып, ӱзӱрібізіңер:
-
Хайди сағынчазар, «пазырыстарны исчеткен Худай» сірерні ағаа пазырзыннар тіп хынча ба? Ноға іди нандырчазар?
Пазырыстарыбысты Худай иссін тіп, аның нормаларынҷа чуртирға кирек. Михей 3:4 паза 1 Петрның 3:12 хығырып алып, ӱзӱрібізіңер:
-
Хайди Иегова истер иде пазырарға?
Чаа тузында Худайдаң, чиңіс пирзін тіп, ікі саринаң сурынчалар. Худай оларның пазырыстарына нандырар ба?
5. Пазырыстарыбыс чӱреебістең сығарға кирек
Піреелерін, пазырыстарны ӱгрен салып, пір дее сӧс иртірбин, хатап-хатап чоохтанарға ӱгреткеннер. Че андағ пазырыстар Худайның кӧңніне кірчелер бе? Наа тилекей тілбестеенінең Матфей 6:7 хығырып алып, ӱзӱрібізіңер:
-
Пазырчатсар, «пір ле нимені» хатап-хатап чоохтанмасха ниме полызар?
Кӱннің сай пір алғас сизінерге кӱстеніңер паза аның ӱчӱн Иегованы алғастаңар. Іди сірер, пір ле нимені хатап-хатап чоохтанмин, неделяда читі пасха темадаңар пазырарзар.
Чахсы паба палалары чӱректерінде ниме полчатханын чоохтазыннар тіп хынча. Иегова ідӧк пісті ағаа чӱреебісті ассыннар тіп хынча
6. Пазырыс — Худай пирген сыйых
Хайди пазырыс чахсы даа, хомай даа тустарда кӱс кир полар? ВИДЕОРОЛИК кӧріп алыңар.
Библия пазырыс чӱреебісті сынап амырадар тіп молҷапча. Филипптегілерге 4:6, 7 хығырып алып, пу сурығларны ӱзӱрібізіңер:
-
Пазырыс полған на сидіктең осхырбинчатса, хайди ол піске полысча?
-
Сірер нимедеңер пазырарҷыхсар?
Пілчезер бе?
«Аминь» тіп сӧс «андағ ползын» алай «орта» теенін таныхтапча. Библия пазылған тустардох пазырысты «аминь» тіп тоосчаңнар (1 Летопись 16:36).
7. Пазырарға тус таап турыңар
Пірееде піс, маң чохтанып, пазырарға даа ундут салчабыс. Иисусха пазырыс нинҷе аарлығ полған? Матфей 14:23 паза Марк 1:35 хығырып алып, пу сурығларны ӱзӱрібізіңер:
-
Пазырып аларға тус таап алар ӱчӱн, Иисус ниме итчең?
-
Пазырарға тус хаҷан таап поларҷыхсар?
КЕМ-ДЕ ПІДИ ТІПЧЕ: «Пазырыс ол тик ле тус иртіргені. Аны пірдеезі испинче».
-
Сірер анзына хайди нандырарҷыхсар?
ӦӦН САҒЫС
Чӱректең сыхчатхан пазырыс пісті Худайға чағын итче, чӱректі амыратча паза Иегованың кӧңніне кірчеткен нимелерні идерге кӱс пирче.
Сағысха хатап кир кӧреелер
-
Кемге пазырарға кирек?
-
Хайди пазырарға кирек?
-
Пазырыстың тузазы хайдағ?
ХОЗА ІСТЕЗІҢЕР
Пазырыстаңар удаа учурапчатхан сурығларға нандырығлар таап алыңар.
«Пазырыстаңар читі сурыға нандырығлар» («Сторожевой башня», 1 чарыс айы, 2010 чыл)
Ноға пазырарға кирек паза пазырыстарны хайди чахсыландырарға хығырып алыңар.
Кемге пазырарға кирек? Библия аннаңар ниме чоохтапчатханын піліп алыңар.
Пу музыкальнай видеоны кӧріп, хайда паза хаҷан пазырарға кирек тіп сурыға нандырығ таап аларзар.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
