10-ҶЫ УРОК
Иегованың киречілерінің чыылығлары сірерге нименең туза полар?
Иегованың киречілерінің чыылиинда полғазар ба? Хаҷан даа полбаан ползар, че парарға хынчатсар, сірер сағынчазар, арса: «Ол чыылығлар хайди иртчелер? Ноға олар аарлығлар? Ноға андар чӧрерге кирек?» Пу уроктаң піліп аларзар: хайди христианскай чыылығлар сірерні Худайға чағын ит поларлар паза хайди олар сірерге полыс поларлар.
1. Ноға ӧӧнінде ӧме чыылығлары иртірілчелер?
Библияны пасхан кізілернің пірсі чыылығларның ӧӧн кӧстиинеңер пасхан: «Кӧп чон чыылысхан чыылығда Иегованы алғыстим» (Псалом 26:12). Прай чир ӱстӱнде Иегованың киречілері неделя сай Худайны сабландырарға, хада сарнирға паза пазырарға чыылызарға уғаа хынчалар. Чылда нинҷе-де хати Худайға пазырҷаң улуғ чыылығлар иртірчелер.
2. Пістің чыылығларыбыста ниме піліп аларзар?
Анда піс Худайның Сӧзін, «чарыда чоохтап паза аның смыслын азып» ала, ӱзӱрчебіс. (Неемия 8:8 хығырыбызыңар.) Паза Иегованаң паза аның чахсы качестволарынаң танызып аларзар. Худай сірерге хынчатханын піліп одырзар, ағаа чағдирзар. Ідӧк хайди ол сірерге часкалығ полып аларға полыс поларын піліп аларзар (Исайя 48:17, 18).
3. Чыылығларыбыста кізілернең чоохтасханы сірерге нименең туза полар?
Иегова піске «удур-тӧдір полызызарға, хынарға паза чахсы киректер идерге кӧӧктірізерге паза чыылығларыбысты тастабасха» чоохтапча (Еврейлерге 10:24, 25). Пістің чыылығларыбыста удур-тӧдір сынап хынысчатхан паза, сірерӧк чіли, Худайдаңар кӧп арах піліп аларға хынчатхан кізілернең танызып аларзар. Ідӧк анда Библиядағы кізіні тыытчатхан сағыстарнаң ӱлесчелер. (Римдегілерге 1:11, 12 хығырыбызыңар.) Паза сірер аймах-пасха сидіктерні тобырчатхан кізілернең чоохтас поларзар. Ӧме чыылығларының тузазын нинҷе-де ле саринаң ӱзӱрібістібіс. Иегова пісті чыылығларға сыбыра чӧрерге хығырча.
ТИРЕҢ АРАХ ХАС КӦРІҢЕР
Иегованың киречілерінің чыылығларына чӧргені ноға аарлығ паза анда ниме полчатханын кӧр кӧреелер.
4. Иегованың киречілерінің чыылығлары
Пастағы вектегі христианнар Иеговаа пазырарға сыбыра чыылысчаңнар (Римдегілерге 16:3—5). Колосстағыларға 3:16 хығырып алып, ӱзӱрібізіңер:
-
Пастағы вектегі христианнар Иеговаа хайди пазырғаннар?
Иегованың киречілері пӱӱн дее Худайға пазырарға сыбыра чыылысчалар. Оларның чыылығлары хайди иртчеткенін пу ВИДЕОДА кӧріп алыңар. Анаң ӧме чыылии хоосталған хоосты азып алып, пу сурығларны ӱзӱрібізіңер.
-
Иегованың киречілерінің залында полчатхан киректер Колосстағыларға 3:16-да пазылған киректерге нименең тӧӧйлер?
-
Видеода алай хооста сірернің кӧңніңерге ниме кірді?
2 Коринфтегілерге 9:7 хығырып алып, ӱзӱрібізіңер:
-
Ноға Иегованың киречілерінің чыылығларында ахча тӧлирге кирек чоғыл?
Сірернең Библия ӱгренчеткен кізінең хада пу неделяда полар чыылығда ниме ӱзӱрілерін кӧр кӧріңер.
-
Чыылығның хайдағ чардығы сірерге иң хынығ паза тузалығ пілдірче?
Пілчезер бе?
Сірерге jw.org тіп сайтта чыылығлар прай чир ӱстӱнде хайда паза хаҷан иртірілчеткенін піліп аларға оңдай пар.
-
А. Пістің чыылығларыбыста чоохтар, демонстрациялар паза видеолар полчалар. Чыылығлар сарыннаң паза пазырыснаң пасталчалар паза тоозылчалар
-
Б. Чыылығларның пірее чардығында комментарийлер пирерге чарадылча
-
В. Чыылыға прайларына, хоных хонғаннарға, хоных хонмааннарға, улуғланыбысханнарға паза палаларға килерге чарир
-
Г. Чыылыға килген ӱчӱн ахча тӧлирге кирек чоғыл. Иегованың киречілері кірген ӱчӱн ахча албинчалар паза чыылығ тузында ахча чығбинчалар
5. Чыылығларға чӧрер ӱчӱн, кӱс саларға кирек
Иисустың сӧбірезін кӧзідімге алып алаалар. Оларға чыылығларға чыл сай чӧрер ӱчӱн, 100-че километр тағлар аразынҷа Назареттең Иерусалимзер парарға кирек полған. Лука 2:39—42 хығырып алып, пу сурығларны ӱзӱрібізіңер:
-
Хайди сағынчазар, Иерусалимзер парарға оларға оой полған полар ба?
-
Ноға сірерге дее, чыылығларға чӧрер ӱчӱн, кӱс саларға кирек полар?
-
Чӧрерге сидік тее полза, чыылығларға чӧргені туза полар ба? Ноға?
Библияда, Иеговаа пазырар ӱчӱн, чыылысханы уғаа аарлығ тіп чоохталча. Еврейлерге 10:24, 25 хығырып алып, ӱзӱрібізіңер:
-
Ноға чыылығларға сыбыра чӧрерге кирек?
КЕМ-ДЕ ПІДИ ТІПЧЕ: «Чыылығларға чӧрерге кирек тее чоғыл. Ибде дее Библияны ӱгренерге чарир».
-
Иегова пістең ниме сағыпчатханын Библиядағы хайдағ стих алай кӧзідім кӧзітче?
ӦӦН САҒЫС
Ӧме чыылығлары сірерге Иеговадаңар кӧп арах піліп аларға паза аның чағын нанҷызы полып аларға, ідӧк ағаа пасхаларынаң хада пазырарға полыс пирерлер.
Сағысха хатап кир кӧреелер
-
Ноға Иегова пісті ӧме чыылығларына чӧрерге кӧӧктірче?
-
Иегованың киречілерінің чыылығларында ниме піліп аларзар?
-
Хайди сағынчазар, ӧме чыылығлары сірерге паза нименең туза полар?
ХОЗА ІСТЕЗІҢЕР
Чыылығларға килерге уйатчатсар чи? Сірер чіли уйатхан ир кізее чыылығларға чӧрерге хынып аларға ниме полыс пиргенін кӧріп алыңар.
Пір оолның ноға пістің чыылығларыбысха хынғанын паза, андар чӧрерін тохтатпас ӱчӱн, ниме иткенін кӧр кӧріңер.
Пірее кізілер чыылығлардаңар ниме чоохтапчатханнарын хығырып алыңар.
«Ноға Иегованың киречілерінің залларындағы чыылығларға чӧрерге кирек?» (веб-статья)
Хайди пір ле чыылығ чабал гангстернің чуртазын алыстырыбысханын піліп алыңар.
«Мин сыбыра пистолет ал чӧрҷең полғам» («Сторожевой башня», 1 от айы, 2014 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
