11-ҶІ УРОК
Хайди Библияны хығырарға хынып аларға?
Улуғ пӧгіннердең хорыхчазар ба? Улуғ пӧгінні нинҷе-де кічіг пӧгінге чарыбысса, ол пӧгін андағ сидік пілдірбес. Ідӧк Библия хығырғанынаң. Сірер сағынчазар, арса: «Нимедең пастирға?» Пу урокта Библия хығырарына паза ӱгренеріне хынып аларға полысчатхан нинҷе-де олаңай оңдайны ӱзӱрібізербіс.
1. Ноға Библияны сыбыра хығырарға кирек?
Библияны, Иегованың чахиин, хығырчатхан кізі часкалығ паза маңнаныстығ полар. (Псалом 1:1—3 хығырыбызыңар.) Пастап Библияны кӱннің сай нинҷе-де минута хығыр кӧріңер. Нинҷе кӧп Библияны піліп одырарзар, анҷох кӧп аны хығырарыңар килер.
2. Библия хығырғаны туза ползын тіп, ниме идерге кирек?
Библияны хығырчатсар, тохтап, ибіре сағынып ал турзар, хығырғаны туза полар. Хығырчатса, тирең сағынғаны уғаа аарлығ (Иисус Навин 1:8, сноска). Хығырчатхан туста посха мындағ сурығлар турғызыңар: «Иегова Худайдаңар ам ниме піліп алдым? Піліп алған нименең хайди тузаланарға? Пу стихтарнаң пасхаларына хайди полыс полам?»
3. Хаҷан Библияны хығырарға?
Сірерге Библияны хығырарға тус табарға оой ба? Кӧбізіне оой нимес. Пар тусты тузалығ иртірерге кӱстеніңер (Ефестегілерге 5:16). Библияны кӱннің сай хығырарға ӧнетін тус таап турыңар. Піреелері иртен, пасхалары кӱнӧрте, кӧзідімге, обед тузында хығырчалар. Иирде, узир алнында, Библияны хығырчатхан кізілер парох. Сірерге чи, Библияны хығырарға хаҷан килістіре тус?
ТИРЕҢ АРАХ ХАС КӦРІҢЕР
Библияны хығырарын хайди хынығ идіп аларға піліп алыңар. Библия ӱгредии туза арах ползын тіп, азынада тимненерге ӱгреніп алыңар.
Наа чииске хынып алар ӱчӱн, аны чирге кирек. Ідӧк Библияа хынып алар ӱчӱн, аны хығырарға кирек
4. Библияны хығырғаны ӧрініс ағылзын
Библияны хығырып пастааны чібеен чиис чіп пастаанына тӧӧй. Пастап ол чиис тадылығ нимес пілдірче, че пола-пола тадылығ пілдір сыхча. 1 Петрның 2:2 хығырып алып, ӱзӱрібізіңер:
-
Хайди сағынчазар, Библияны кӱннің сай хығырзар, ағаа хын поларзар ба паза аны хығырғанынаң ӧрініс ал поларзар ба?
ВИДЕО кӧріп алыңар паза ноға пу кізілерге Библия хығырғаны ӧрініс ағылғанын піліп алыңар. Анаң пу сурығларны ӱзӱрібізіңер.
-
Видеодағы чииттерге Библияны сыбыра хығырарға ниме харығ полған?
-
Кӧстеглеріне чидіп аларға оларға ниме полыс пирген?
-
Ноға олар Библияны хығырарға хын сыхханнар?
Нимедең пастирға?
-
Иргілен парбаан тілнең пазылған паза чахсы арах тілбестелген тілбестег таап алыңар. Сірернің тіліңерде «Наа тилекей тілбестее» пар полза, аны хығырыңар.
-
Библияны сірернің кӧңніңерге кірчеткен кизектең хығырып пастаңар. Хайди Библияны хығырарға «Библияны хығырып пастаңар» тіп графикте кӧріп аларға чарир.
-
Хығырыбысхан пастағларны таныхтаңар. Пу киндедегі «Библия хығырҷаң графикнең» тузаланыңар.
-
JW Library®тіп приложениенең тузаланыңар. Пу приложениені смартфоннарыңа алай пасха даа электроннай устройстволарыңа турғыс салзар, Библияны хайда даа хығырарға паза истерге чарир.
-
«Наа тилекей тілбестеендегі» приложениелернең тузаланыңар. Анда Библияны хығырарға хынығ итчеткен карталар, таблицалар паза сӧстік пар.
5. Библия ӱгредиине тимненіңер
Псалом 119:34 хығырып алып, ӱзӱрібізіңер:
-
Библияны хығырар алай ӱгренерге тимненер алнында ноға пазырып аларға кирек?
Полған на ӱгредіг тузалығ полар ӱчӱн, сірерге ниме идерге кирек? Пу курстың уроктарына піди тимнен кӧріңер:
-
А. Полған на уроктың пастағы страницазын хығырып алыңар.
-
Б. Библияның стихтарын прай, азып, хығырып алыңар. Уроктың темазынаң олар хайди палғалыстығ сағынып алыңар.
-
В. Сурыға нандырчатхан ӧӧн сӧстерні сиип салыңар. Анзы сірерге сірерні ӱгретчеткен кізінең хада ол урокты ӱзӱрерге полызар.
Пілчезер бе?
Иегованың киречілері Библияның аймах-пасха тілбестеглерінең тузаланчалар. Че піс «Наа тилекей тілбестееніне» иң тың хынчабыс. Ол чахсы, пілдістіг тілбестег паза анда Худайның ады пар. «Иегованың киречілерінің постарының Библиязы пар ба?» тіп веб-статьяны кӧріңер
КЕМ-ДЕ ПІДИ ТІПЧЕ: «Библияны ӱгренерге уғаа сидік. Анзына кӱзім дее, тузым даа чоғыл».
-
Сірер чи, ниме сағынчазар?
ӦӦН САҒЫС
Библияны хығырарға ӧнетін тус таап алыңар. Хығырған нимені піліп алар ӱчӱн, пазырыңар. Полған на Библия ӱгредиине тимнен турыңар.
Сағысха хатап кир кӧреелер
-
Библияны хығырарға хынып аларға паза тузалығ арах идіп аларға сірерге ниме полыс пирер?
-
Хайдағ тус сірерге Библияны хығырарға паза ӱгренерге иң килістіре?
-
Ноға полған на Библия ӱгредиине тимненерге кирек?
ХОЗА ІСТЕЗІҢЕР
Хайди Библияны хығырарын хынығ арах идіп аларға? Мына нинҷе-де сағыс.
«Хайди, Библияны хығырып, кӧп арах туза аларға» («Сторожевой башня», 1 №, 2017 чыл)
Библияны ӱс оңдайнаң хығырарға ӱгреніп алыңар.
«Хайди Библия мағаа полыс полар? 1-ғы чардых. Худайның Сӧзін істезерге ӱгреніп ал» (веб-статья)
Хайди Библияны хығырарға хынып аларға?
«Хайди Библия мағаа полыс полар? 2-ҷі чардых. Библияны хығырарын хынығ идіп ал» (веб-статья)
Библияны хаҷаннаң хығырчатхан кізілернің чӧптерінең тузаланыңар.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
