12-ҶІ УРОК
Библияны ӱгренерін тохтатпасха сірерге ниме полыс пирер?
Библия ӱгренгенін уғаа хынығ, турыстығ чорыхнаң тиңнестірерге чарир. Ол чолда сидіктерге дее урунарзар. «Библияны аннаң андар ӱгренерге кирек пе?» — тіп сағыс кірерге айабас. Че ноға тохтатпасха кирек? Сидік тее полза, Библияны ӱгренерін тохтатпасха ниме полыс пирер?
1. Библия ӱгренгені нименең аарлығ?
Худайның Сӧзі тіріг паза аның кӱзі илбек (Еврейлерге 4:12). Библияда Худайның сағыстары пазыл парғаннар, аннаңар ол уғаа аарлығ. Ідӧк, аннаң Худай сірерге хынчатханын піліп аларзар. Библиядағы информация олаңай ла пілістер нимес. Ол сынап хыйға поларға ӱгретче паза сын ізеніс пирче. Ідӧк Библия піске Иегованың нанҷызы полып аларға полысча. Анзы иң аарлығ. Библияны ӱгрензер, ол чуртазыңарны чахсы саринзар алыстырарға кӱс пирер.
2. Библияның сыны аарлығ полчатханын ноға ундутпасха кирек?
Библиядағы сыннарны алтын-кӱмӱстернең тиңнестірерге чарир. Аннаңар Библия пісті сынны садып аларға паза аны сатпасха хығырча (Притчи 23:23). Библияның сыны нинҷе аарлығ полчатханын ундутпазабыс, хайди даа сидік полза, Библия ӱгредиине тус таа, кӱс тее айастығ полбас. (Притчи 2:4, 5 хығырыбызыңар.)
3. Иегова сірерге хайди полыс полар?
Иегова — Прай ниме ит полчатхан Худай, пістің Чайаачыбыс паза Нанҷыбыс. Ол сірернең чағын арах танызып аларға хынча. Иегова кӧңніңеріңні кӧдір полар паза кӱс пир полар. (Филипптегілерге 2:13 хығырыбызыңар.) Аннаңар Библияны ӱгренерге алай алған пілістернең чуртаста тузаланарға кӧңніңер тӱс парза, ол сірерге ӧрініснең полыс пирер. Сидіктерні паза тоғырланыстарны тобырарға хоза кӱс кирек полза, хайди даа пирер. Аннаңар пазырыста Иеговадаң, Библия ӱгредиин тохтатпасха полыссын тіп, сыбыра сурыныңар (1 Фессалониктегілерге 5:17).
ТИРЕҢ АРАХ ХАС КӦРІҢЕР
Хайди, маң чох таа полза, пасхалары тоғырланзалар даа, Библия ӱгредиин тохтатпасха? Иегова анзында сірерге хайди полыс пирерін піліп алыңар.
4. Библия ӱгредии пастағы орында поларға кирек
Пірееде итчең киректер уғаа кӧп полча, аннаңар Библия ӱгренерге маң чоғыл тіп пілдірче. Хайди поларға? Филипптегілерге 1:10 хығырып алып, пу сурығларны ӱзӱрібізіңер:
-
Хайди сағынчазар, чуртаста ниме сынап аарлығ?
-
Библия ӱгредии чуртазыңарда пастағы орында ползын тіп, сірер ниме ит поларзар?
-
А. Кӧнекке пурун хум ур салза, тастар сыңмас
-
Б. Че андар пастап тастар сал салза, хум даа сыып парар. Чуртаста ідӧк, аарлығ нимені пастағы орынға турғыссабыс, пасха даа киректерге тус чидер
Библия ӱгренгені піске духовнай кирексіністерібісті — Худайны пілерге паза ағаа пазырарға кирексіністі — толдырарға полысча. Матфей 5:3 хығырып алып, ӱзӱрібізіңер:
-
Библия ӱгредии чуртаста ӧӧн орында полза, кізінің чуртазы хайди алыс парар?
5. Тоғырланыстар полза даа, Библия ӱгренерін тохтатпаңар
Пірееде пісті Библия ӱгренмеске чӧптеп сыхчалар. Мына Франческоның кӧзідімі. ВИДЕО кӧріп алып, пу сурығларны ӱзӱрібізіңер:
-
Франческо Библия ӱгренчем теенде, аның нанҷылары паза туғаннары хайди пол сыхханнар?
-
Сыдамах тудынған ӱчӱн Франческо хайдағ сыйых алған?
2 Тимофейге 2:24, 25 хығырып алып, пу сурығларны ӱзӱрібізіңер:
-
Туғаннарың паза нанҷыларың Библия ӱгренчеткеннеріңе хайди кӧрчелер?
-
Пу стихтар хоостыра, сірернің Библия ӱгренчеткеннерің кемнің-де кӧңніне кірбезе, хайди поларға? Чарыда чоохтап пиріңер.
6. Иеговаа ізеніңер, ол полыс пирер
Иеговаа чағын полып одырчатсабыс, аны ӧріндірерібіс уламох килче. Че Иегованың нормаларынҷа чуртир ӱчӱн, чуртасты алыстырарға оой полбас. Че холларың тӱзірбеңер! Иегова сірерге полыс пирер. ВИДЕО кӧріп алып, пу сурығларны ӱзӱрібізіңер:
-
Джим, Иегованы ӧріндірер ӱчӱн, чуртазын хайди алыстырыбысхан?
-
Аның кӧзідімі сірерге нименең хайхастығ пілдірче?
Еврейлерге 11:6 хығырып алып, пу сурығларны ӱзӱрібізіңер:
-
Аны тілепчеткеннерге алай аннаңар піліп аларға паза чуртастарын алыстырарға кӱстенчеткеннерге Иегова ниме идерге хынча?
-
Пу стих хоостыра, аннаң андар Библияны ӱгренчеткеннеріңні кӧрчетсе, Иегова ниме чувствовать полча?
КЕМ-ДЕ СУРАР, АРСА: «Ноға сірер Библияны ӱгренчезер?»
-
Хайди нандырарзар?
ӦӦН САҒЫС
Библияны ӱгренерге оой даа полбаза, анзы ла мӧгі чуртасха ағылча. Иеговадаң полызығ сурынарын тохтатпаңар, ол сірерге хайди даа полыс пирер.
Сағысха хатап кир кӧреелер
-
Библиядағы сыннар сірерге нинҷе аарлығ? Ноға?
-
Хайди сірер «иң артыхты» таллап поларзар?
-
Ноға Иеговадаң Библияны аннаң андар ӱгренерге полызарға сурынарға кирек?
ХОЗА ІСТЕЗІҢЕР
Пу тӧрт чӧп кӧп кізее тус хыйға иртірерге полыс пирген.
«Хайди тус хыйға иртірерге?» («Усхуныңар!», азығ айы, 2014 чыл)
Ирі тоғырланған полза даа, ипчізі Иегованың кӧңніне кірерге кӱстенген. Хайди Иегова ол ипчее полыс пиргенін кӧріп алыңар.
Ипчізі Библия ӱгренерін тохтатпаан ӱчӱн, хайди ирінің чуртазы алыс парғанын кӧріп алыңар.
Иегованың киречілерін сӧбірелерні сайбапчалар тіп пыролапчалар. Анзы андағ ба?
«Иегованың киречілері сӧбірелерні сайбапчалар ба?» (веб-статья)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
