Ирткен уроктаң прай религиялар Худайның кӧңніне кірбинчеткенін піліп алғабыс. Че андағ даа полза, Чайаачыбысха аның кӧңніне кірер иде пазырарға оңдай пар (Иаковтың 1:27). Аның кӧңніне кірер ӱчӱн, ниме идерге? Нандырығны Библиядаң піліп алаалар.

1. Худайның кӧңніне кірер иде хайди пазырарға?

Худайға Библияның ӱгредии хоостыра пазырарға кирек. Иисус Христос Худайға теен: «Синің сӧзің Сын» (Иоанн 17:17). Худайның сыны аның Сӧзінде, Библияда, пазыл парған. Пірее религиялар ол сынны санға албинчалар. Аның орнына кізілернің чахығларын паза кибірлерін тудынчалар. Иегова, тізең, аның кӧні чахығларын сайбирға кӱстенчеткеннерні хырт кӧрче. (Марк 7:9 хығырыбызыңар.) Библия хоостыра, Худайға пазырчатсабыс паза анда пазылған ниме хоостыра тудынчатсабыс, Худай тың ӧрінче.

2. Хайди Иеговаа пазырарға кирек?

Иегова — пістің Чайаачыбыс, аннаңар ол ла пазырысха турыстығ (Азых чоох 4:11). Аннаңар ағаа хынарға паза ағаа ла пазырарға кирек. Иеговаа идоллар, обырастар пастыра пазырарға чарабас. (Исайя 42:8 хығырыбызыңар.)

Иеговаа пазырыс аның кӧңніне чарас паза ах-арығ поларға кирек (Римдегілерге 12:1). Аннаңар піс аның нравственнай нормаларынҷа чуртирға кирекпіс. Кӧзідімге, Иеговаа хынчатханнар ол хоныхтаңар пирген нормаларға хынчалар паза оларның хоостыра чуртапчалар. Ідӧк олар хазых ардатчатхан киректердең хыйа тудынчалар: тамкы тартпинчалар, наркотиктернең айғаспинчалар паза иртіре араға іспинчелер a.

3. Ноға Иеговаа пасхаларынаң хада пазырарға кирек?

Пістің чыылығларыбыс неделя сай иртірілчелер. Анда Иегованы саблирға оңдай пар (Псалом 111:1, 2). Кӧзідімге, чыылығларда піс сіліг сарыннар сарнапчабыс. (Псалом 104:33 хығырыбызыңар.) Иегова піске хынча паза ӧме чыылығлары пісті мӧгі чуртасха тимнепчеткенін пілче, аннаңар пісті андағ чыылығларға чӧрерге хығырча. Піс анда хада чыылысчатсабыс, удур-тӧдір тыыдысчабыс паза кӧңнібіс кӧдірісчебіс.

 ТИРЕҢ АРАХ ХАС КӦРІҢЕР

4. Худайға обырастар (омалар) пастыра пазырарға чарабас

5. Чой ӱгредіглердең Иеговаа ла пазырыс осхырча

 6. Піс Худайға ӧме чыылығларында пазырчабыс

Ӧме чыылығларында Иегованы сабландырчабыс паза удур-тӧдір сарыннарнаң паза комментарийлернең тыыдысчабыс. Псалом 22:22 хығырып алып, пу сурығларны ӱзӱрібізіңер:

• Ӧме чыылығларында пирілчеткен комментарийлер кӧңніңерге кірчелер бе?

• Комментарий пирерге тимнен саларға хынчазар ба?

7. Библиядаң алған пілістернең пасхаларынаң ӱлесчетсебіс, Иегова ӧрінче

Пасхаларынаң Библиядағы сыннаң ӱлезерге кӧп оңдайлар пар. Псалом 9:1 паза 34:1 хығырып алып, ӱзӱрібізіңер:

• Библиядағы хайдағ сыннарнаң ӱлезерге хынчазар?

 ӦӦН САҒЫС

Пістің Чайаачыбыс ағаа ла пазырзыннар, ӧме чыылығларында аны сабландырзыннар паза Библиядаң алған пілістернең пасхаларынаң ӱлессіннер тіп хынча.

Сағысха хатап кир кӧреелер

• Худайға хайди орта пазырарға кирек полчатханын хайдаң піліп аларға чарир?

• Ноға Иеговаа ла пазырарға кирек?

• Ноға Худайға аның кӧңніне кірерге хынчатханнарнаң хада пазырарға кирек?