15-ҶІ УРОК
Иисус Христос кемдір ол?
Иисус Христос — иң саблығ кізілернің пірсі. Че кӧп кізі аннаңар аның адынаң пасха пір дее ниме пілбинче. Иисус сынында кем полғаннаңар аймах-пасха кӧрістер пар. Че аннаңар Библияда ниме чоохталча?
1. Иисус Христос кемдір ол?
Иисус — уғаа кӱстіг ангел. Ол Худайнаң хада тигірде чуртапча. Иегова аны прай нимелердең пурун чайап салған, аннаңар Библияда ол «ноо даа чайаахтаң пурун тӧреен тун Оолғы» тіп адалча (Колосстағыларға 1:15). Худай Иисусты чайаанда, ағаа пірдеезі полыспаан, ол аны чалғызан чайап салған, аннаңар ол Худайның «чалғыс Оолғы» тіп адалча (Иоанн 3:16). Иисус, Пабазына прай ниме чайирға полызып, Иегованаң хада сыбыра тоғынҷаң. (Притчи 8:30 хығырыбызыңар.) Иисуснаң Иегованың палғалыстары уғаа пик паза чылығ. Ол Худайның ізестіг представительі алай «Сӧзі» полча. Пасха сӧстернең чоохтаза, ол Худайның искіріглерін паза устағларын пасхаларына читірче (Иоанн 1:14).
2. Ноға Иисус чирзер килген?
Иегова, 2000-ҷа чыл мының алнында, хайхастығ оңдайнаң, ызых худынаң пастыра, Иисустың чуртазын, тигірдең алып, Мария тіп хыстың істіне сал салған. Ол хайхас сылтаанда, Иисус, кізі полып, тӧреен. (Лука 1:34, 35 хығырыбызыңар.) Иисус чирзер, чонны арачылап аларға паза Библияда пазылған Мессий алай Христос поларға килген a. Библияда Мессийдеңер пазылған прай ухаанҷыластар Иисуста тол парғаннар. Аннаңар кізілер ол «Мессий-Христос, Тіріг Худайның Оолғы» полчатханын піліп алғаннар (Матфей 16:16).
3. Иисус ам хайда?
Иисустың чирдегі чуртазы тоозыл парғанда, Худай аны, тірілдіріп алып, тигірзер нандыра алып алған. Худай аны кӧдірген паза ағаа иң пӧзік орын пирген (Филипптегілерге 2:9). Ам Иисустың ӱлгӱзі уғаа илбек, аннаң пӧзік Иегова ла турча.
ТИРЕҢ АРАХ ХАС КӦРІҢЕР
Ноға Иисус Христостаңар сынны пілерге паза аннаңар тирең пілістерні аларға кирек полчатханын піліп алыңар.
4. Иисус Прай ниме ит полчатхан Худай нимес
Библияда Иисус тигірдегі уғаа кӱстіг ангел тіп чоохталчатса даа, ол позының Худайының паза Пабазының, Иегованың, холында чӧрче. Піс анзын хайдаң пілчебіс? ВИДЕО кӧріп алып, ноға Иисус Прай ниме ит полчатхан Худай полбинчатханын Библия хайди кӧзітчеткенін піліп алыңар.
Библияның пу стихтары Иисус Иеговаа кем полчатханын піліп аларға полысчалар. Оларны хығырып алып, пирілген сурығларны ӱзӱрібізіңер:
Лука 1:30—32 хығырыбызыңар.
-
Иисус Ӧӧркі Худайға, Иеговаа, кем полчатханнаңар ангел ниме теен?
Матфей 3:16, 17 хығырыбызыңар.
-
Иисус кіреске тӱскен соонда тигірдең истілген ӱн ниме теен?
-
Хайди сағынчазар, ол кемнің ӱні полған?
Иоанн 14:28 хығырыбызыңар.
-
Кем улуғ: пабазы алай оолғы? Кемнің ӱлгӱзі кӧп: пабазының алай оолғының?
-
Иисустың Иегованы «Пабам» тіп адааны пісті нимее ӱгретче?
Иоанн 12:49 хығырыбызыңар.
-
Иисус позын Паба полчам тіп санаан ма? Сірер чи аннаңар ниме сағынчазар?
5. Иисус Мессий полчатханына киречілестер
Кем Мессий полчатханын піліп аларға полысчатхан ухаанҷыластар Библияда уғаа кӧп. Худай Мессийні кізілерні арачылирға ысхан. ВИДЕО кӧріп алып, Иисуста хайдағ ухаанҷыластар тол парғанын піліп алыңар.
Пу библейскай ухаанҷыластарны хығырып алып, пирілген сурығларны ӱзӱрібізіңер:
Мессий хайда тӧрирге кирек полғанын піліп алар ӱчӱн, Михей 5:2 хығырып алыңар b.
-
Иисуста пу ухаанҷылас толған ма? (Матфей 2:1).
Мессийге хайди ӧлерге кирек полғанын піліп алар ӱчӱн, Псалом 34:20 паза Захария 12:10 хығырып алыңар.
-
Пу ухаанҷыластар толғаннар ба? (Иоанн 19:33—37).
-
Хайди сағынчазар, пу ухаанҷыластарны Иисус толдыр поларҷых па?
-
Анзы Иисус Мессий полчатханын киречілепче бе?
6. Иисусты чахсы пілчеткеннерге сыйых
Иисустаңар паза Худайның сағын салған сағызында ол хайдағ роль ойнапчатханнаңар пілерге кирек полчатханы Библиядаң чахсы кӧрінче. Иоанн 14:6 паза 17:3 хығырып алып, ӱзӱрібізіңер:
-
Ноға Иисустаңар пілістер аларға уғаа кирек?
Иисус Худайнаң нанҷыласха апарчатхан чол ас пирген. Ол Иеговадаңар сынға ӱгреткен, аннаңар піске мӧгі чуртасха чидіп аларға оңдай пар
КЕМ-ДЕ ПІДИ ТІПЧЕ: «Иегованың киречілері Иисусха киртінминчелер».
-
Сірер анзына хайди нандырарҷыхсар?
ӦӦН САҒЫС
Иисус уғаа кӱстіг ангел. Ол Худайның Оолғы паза Мессий.
Сағысха хатап кир кӧреелер
-
Ноға Иисус «ноо даа чайаахтаң пурун тӧреен» тіп пазылча?
-
Чирзер килер алнында Иисус ниме иткен?
-
Иисус Мессий полчатханын хайдаң пілчебіс?
ХОЗА ІСТЕЗІҢЕР
Иисус Мессий полчатханнаңар кӧп арах піліп алыңар.
«Мессийдеңер ухаанҷыластар Иисус Христоста толғаннар ба?» (веб-статья)
Худай Иисусха кізі пабазы осхас Паба полған тіп Библия ӱгретче бе?
«Ноға Иисус Христос Худайның Оолғы тіп адалча?» (веб-статья)
Ноға троицадаңар ӱгредіг Библияда тӧстелбинче тирге чарир?
«Иисус Христос Худай ба?» («Сторожевой башня», 1 хосхар айы, 2009 чыл)
Библияда Иисус Христостаңар ниме чоохталчатханын піліп алғанда, пір ипчінің чуртазы хайди алыс парған?
a 26-ҷы паза 27-ҷі уроктарда ноға кізілерні арачылирға кирек полчатханы паза Иисустың пісті хайди арачылааны чарыда чоохталча.
b Хаҷан Мессий чирзер килерге кирек полғанын кӧзітчеткен ухаанҷыластар 2-ҷі Приложениеде ӱзӱрілчелер.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
