19-ҶЫ УРОК
Иегованың киречілері сын христианнар ба?
Піс Иегованың киречілері — сын христианнарбыс. Анзында ікінҷілебинчебіс. Піліп алыңар: пістің киртінізібіс нимеде тӧстелче, ноға піс іди аданчабыс паза удур-тӧдір хынызыбысты хайди кӧзітчебіс.
1. Иегованың киречілері киртіністерін нимеде тӧстепчелер?
Иисус теен: «Синің сӧзің Сын» (Иоанн 17:17). Иегованың киречілері, Иисусох чіли, постарының кӧрістерін Худайның Сӧзінде тӧстепчелер. Мына пір кӧзідім. XIX вектің халғанҷы чылларында нинҷе-де кізі Худай Сӧзін ситкеп істес сыхханнар. Олар тигіриблер Библия хоостыра ӱгретпинчеткеннерін сизін салғаннар. Андағ даа полза, олар Библия хоостыра тудынарға пӧгін алғаннар. Ӱр ниместең Библияның сынын пасхаларына чоохтап сыхханнар a.
2. Ноға піс Иегованың киречілері тіп аданчабыс?
Худайның нымысчылары Худайдаңар сынны чоохтапчалар. Аннаңар Иегова оларны киречілер тіп адапча (Еврейлерге 11:4—12:1). Кӧзідімге, пурунғыда Худай позының чонына теен: «Сірер минің киречілерімзер». (Исайя 43:10 хығырыбызыңар.) Иисус Христос, тізең, «сын Киречі» тіп адалча (Азых чоох 1:5). Аннаңар 1931 чылда піс Иегованың киречілері тіп адан сыххабыс. Іди аданчатханыбысха поғдархапчабыс.
3. Иегованың киречілерінің чуртазында христианскай хыныс хайди кӧрінче?
Иисус ӱгренҷілеріне, позының сӧбірезіне чіли, тың хынған. (Марк 3:35 хығырыбызыңар.) Иегованың киречілері прай чир ӱстӱндегі Киречілерні пір сӧбіре тіп санапчалар, аннаңар удур-тӧдір харындас-пиҷелер тіп адасчалар (Филимонға 1, 2). Ідӧк піс «харындастарыңа хыныңар» тіп чахығ хоостыра чуртапчабыс (1 Петрның 2:17). Иегованың киречілерінің пір киртіністіг харындас-пиҷелеріне хынчатханы аймах-пасха тустарда кӧрінче: кӧзідімге, стихийнай саайлар тузында.
ТИРЕҢ АРАХ ХАС КӦРІҢЕР
Иегованың киречілерінің тархынын чахсы арах піліп алыңар. Ідӧк, піс сын христианнар полчатханыбысха киречілестер кӧр кӧріңер.
Сын христианнар кӧрістерін Библияда тӧстепчелер паза киртіністерінеңер пасхаларына чоохтапчалар
4. Пістің прай ӱгредіглерібіс Библияда тӧстелчелер
Иегова Библияның сыны кӧместең азылар тіп чоохтаан. Даниил 12:4 хығырып алып, ӱзӱрібізіңер:
-
Библияны ситкеп істескен сылтаанда, Худайның нымысчыларының аразында ниме кӧптелерге кирек полған?
Піліп алыңар: хайди Библияның істезігҷілері Чарлз Расселнең хада Худай Сӧзін істескеннер. ВИДЕО кӧріп алып, ӱзӱрібізіңер:
-
Чарлз Расселл паза аның нанҷылары хайдағ оңдайнаң Библияны істескеннер?
Пілчезер бе?
Пірееде піс пірее кӧрістерібісті алыстырчабыс. Ноға? Кӧзідім кӧр кӧреелер. Иртен кӱн нинҷе пӧзік кӧдірілче, анҷох чахсы ибіркі нимелер кӧрінчелер. Библияның сыны андағох. Худай піске нинҷе піліс пирче, анҷох ол пілдістіг полып одырча. (Притчи 4:18 хығырыбызыңар.) Библия алыспинча. Піс аны чахсы арах піліп алзабыс, позыбыстың кӧрістерібісті алыстырчабыс.
5. Піс адыбысха килістіре чуртапчабыс
Ноға піс Иегованың киречілері тіп адан сыххабыс? ВИДЕО кӧріп алып, ӱзӱрібізіңер:
-
Ноға Иегованың киречілері тіп ат піске иң килістіре ат?
Ноға Иегова позына кізілердең киречілер таллап алған? Худайдаңар чой чоохтар уғаа кӧп, аның киречілері, тізең, аннаңар сынны чоохтапчалар. Мына ікі кӧзідім.
Пірее религиялар обырастарнаң паза статуяларнаң тузаланып пазырғаны Худайның кӧңніне кірче тіп ӱгретчелер. Левит 26:1 хығырып алып, ӱзӱрібізіңер:
-
Иегова идолларға сынында хайди кӧрче?
Пірее религиялар Иисус — ол Худай тіп ӱгретчелер. Иоанн 20:17 хығырып алып, пу сурығларны ӱзӱрібізіңер:
-
Худайнаң Иисус сынап пір личность па?
-
Иегованың киречізі поларға, Иеговадаңар паза аның Оолғынаңар чоохтирға улуғ аарлас тіп санапчазар ба?
6. Пісті хыныс піріктірче
Библия христианнарны кізінің ит-сӧӧгінің аймах-пасха чардыхтарынаң тиңнестірче. 1 Коринфтегілерге 12:25, 26 хығырып алып, пу сурығларны ӱзӱрібізіңер:
-
Пу стихтар хоостыра, пір киртіністіг харындас-пиҷелері чобаға кір парзалар, сын христианнар хайди тудынарға киректер?
-
Иегованың киречілерінің аразында андағ хыныс пар ба? Кӧзідім кӧзіт пиріңер.
Иегованың киречілері хайда-да чобаға кір парзалар, пасха хазналардағы Киречілер оларға сах андох полыс сыхчалар. Мына пір кӧзідім. ВИДЕО кӧріп алып, ӱзӱрібізіңер:
-
Иегованың киречілерінің стихийнай саайларға кір парғаннарға полысчатханы оларның кізілерге хынчатханнарын хайди киречілепче?
Сын христианнар чобаға кір парғаннарға хыныстарын киректернең кӧзітчелер
КЕМ-ДЕ ПІДИ ТІПЧЕ: «Иегованың киречілері — ол хайдағ-да наа религия».
-
Хаҷаннаң сығара Иегова позының нымысчыларын киречілер тіп адапча?
ӦӦН САҒЫС
Иегованың киречілері — сын христианнар. Піс прай чоннардаң піріккен сӧбіребіс. Кӧрізібісті Библияда тӧстепчебіс паза Иеговадаңар сынны пасхаларына чоохтапчабыс.
Сағысха хатап кир кӧреелер
-
Ноға піс Иегованың киречілері тіп адан сыххабыс?
-
Хайди піс удур-тӧдір тудынчабыс?
-
Иегованың киречілерін сын христианнар тіп санапчазар ба?
ХОЗА ІСТЕЗІҢЕР
Пістің тархынны кӧп арах піліп алыңар.
«Иегованың киречілері: киртініс тоғынча, 1-ғы чардых. Харасхыдаң» (1:00:53)
Иегованың киречілері религияларның чой ӱгредіглерін ілезіне сығарчалар. Мына пір кӧзідім.
Иегованың киречілерінеңер удаа турғызылчатхан сурығларға нандырығлар піліп алыңар.
«Иегованың киречілерінеңер удаа турғызылчатхан сурығлар» (сайттағы рубрика)
Стивен расалар аразындағы харбазығда араласхан. Хайди Иегованың киречілерінің кӧзідімі аны алызарға кӧӧктіргенін піліп алыңар.
«Чуртазым хомайдаң хомай полып одырған» («Сторожевой башня», 1 от айы, 2015 чыл)
a «Сторожевой башня», пістің ӧӧн журналыбыс, 1879 чылдаң сығара сыбыра сығарылча паза Библияда тӧстелче.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
