Иегова прай ниме оңдайли ползын тіп хынча (1 Коринфтегілерге 14:33, НТ). Аннаңар аның чонының аразында прай ниме ипти-оңдайли полча. Христианнарның ӧмезін Худай хайди апарча? Прай ниме ипти-оңдайли ползын тіп, пістің полғаныбыс ла ниме ит полар?

1. Ӧменің пазы кем?

«Христос... тигірибнің пазы» (Ефестегілерге 5:23). Иисус тигірдең Худайның прай чир ӱстӱндегі чонынаң устапча. Иисус «ізестіг паза хыйға нымысчыны» — опыттығ ах сағалларның кічиҷек группазын — турғыс салған (оларны ідӧк Устапчатхан чӧп тіп адапчалар). (Матфей 24:45—47 хығырыбызыңар.) Пастағы векте христианнарның тоғызынаң Иерусалимдегі илҷілер паза ах сағаллар устаҷаңнар. Пӱӱн Устапчатхан чӧп христианнарның прай ӧмелеріне устағлар пирче (Илҷілернің 15:2). Че ол иреннер пістің организацияның пазы ниместер. Хайдағ-да сурыға Иегова хайди кӧрчеткенін піліп алар ӱчӱн паза Иисустың чооғынҷа тудынар ӱчӱн, олар Библияны ситкеп істесчелер.

2. Ах сағаллар ниме итчелер?

Ах сағаллар Иегованың чонын ӧмелерде Библия хоостыра ӱгретчелер паза ӧмее хабасчалар. Ӧмеде иткен тоғыс ӱчӱн оларға ахча тӧлелбинче. Ах сағаллар, пос кӧңнінҷе паза посха хараспин, прай кӱс салып, нымысчыланчалар (1 Петрның 5:1, 2). Оларға ӧме полысчылары полысчалар. Пола-пола ӧме полысчыларына ах сағаллар полып аларға оңдай пар.

Пірее ах сағалларны Устапчатхан чӧп аймах ах сағаллары поларға турғыс салча. Олар, устағлар читірер паза, харындас-пиҷелернің кӧңнілерін кӧдірер ӱчӱн, аймах-пасха ӧмелерзер килчелер. Аймах ах сағаллары Библияда пирілген нормалар хоостыра чуртапчатхан иреннерні ах сағалларға паза ӧме полысчыларына турғысчалар (1 Тимофейге 3:1—10, 12; Титке 1:5—9).

3. Полған на Иегованың киречізі хайдағ тоғыс апарча?

Ӧмеде прайзы «Иегованың адын сабландырчалар»: христианскай чыылығларда араласчалар паза Худай сӧзін искіреріне прай кӱс салчалар. (Псалом 148:12, 13 хығырыбызыңар.)

 ТИРЕҢ АРАХ ХАС КӦРІҢЕР

4. Иисус чахсы устағҷы

Иисус полған на кізіні позынзар хығырча. Матфей 11:28—30 хығырып алып, ӱзӱрібізіңер:

• Иисустың устааны піске хайдағ чуртас ағылар? Чарыда чоохтап пиріңер.

5. Ах сағаллар кӧзідім полчалар

1. А. Ах сағаллар постары паза оларның сӧбірелері Иегованаң чағын палғалыстығ ползыннар тіп прай кӱс салчалар

2. Б. Ах сағаллар ӧмедегі полған на кізее полызарға кӱстенчелер

3. В. Ах сағаллар Худай сӧзін сыбыра искірчелер

4. Г. Ах сағаллар ӧмеде ӱгретчелер. Ідӧк олар Зал арығлирға паза пасха даа тоғыстар идерге полысчалар

 6. Хайди ах сағалларнаң хада нымысчылан поларбыс

Библияда ноға піске прайзыбысха ах сағалларнаң хада нымысчыланарға кирек полчатханнаңар пазылча. Еврейлерге 13:17 хығырып алып, ӱзӱрібізіңер:

• Хайди сағынчазар, Библия пісті ах сағалларның чооғын истерге кӧӧктірчеткені орта ба? Чарыда чоохтап пиріңер.

Лука 16:10 хығырып алып, ӱзӱрібізіңер:

• Ноға піске оох-теек тее сурығларда ах сағалларның чооғын истерге кирек?

 ӦӦН САҒЫС

Иисус — ӧменің пазы. Ах сағаллар пістеңер сағыссырапчалар паза Христостаң кӧзідім алчалар, аннаңар піс оларнаң ӧрініснең нымысчыланчабыс.

Сағысха хатап кир кӧреелер

• Кем ӧменің пазы полча?

• Хайди ах сағаллар ӧмее полысчалар?

• Полған на Иегованың нымысчызы ниме идерге кирек?