21-ҶІ УРОК
Хайди чахсы хабар прай чир ӱстӱне тарап парған?
Ӱр ниместең Иегова Хан-ӱлгӱзі пастыра кізілернің прай сидіктерін чох ит салар. Ол уғаа чахсы хабар, ол хабарны чоохтирға хайди даа кирек. Иисус Христос аның ӱгренҷілері ол чахсы хабарны полған на кізее чоохтазыннар тіп хынған! (Матфей 28:19, 20). Иегованың киречілері Иисус пирген чахығны хайди толдырчалар?
1. Матфей 24:14-гі сӧстер амғы туста хайди толчалар?
Иисус ухаанҷылаан: «Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар» (Матфей 24:14). Иегованың киречілері пу аарлығ тоғыста ӧрініснең араласчалар. Піс чахсы хабарны прай чир ӱстӱнде 1000 азыра тіллернең искірчебіс! Андағ улуғ тоғысха кӧп кӱс кирек. Хайди анзын идерге чахсы иде сағынып аларға кирек. Иегованың полызии чох андағ тоғыс ит полбас!
2. Худай сӧзін піс хайди искірчебіс?
Піс Худай сӧзін кізі пар чирлерде прай искірчебіс. Пастағы вектегі христианнар чіли, кізілернің иблерінзер килчебіс (Илҷілернің 5:42). Худай сӧзі іди тиксі искірілчеткен ӱчӱн, чыл сай чахсы хабарны миллионнар исчелер. Кізілер пірееде иблерінде чох полчалар, аннаңар піс кӧп кізі чӧрчеткен орыннарда Худай сӧзін искірчебіс. Піс пасхаларына Иеговадаңар паза ол тимнеп салған алнынзархы чахсы чуртастаңар чоохтирға сыбыра оңдай таапчабыс.
3. Худай сӧзін кем искірерге кирек?
Полған на сын христианин Библияның чахсы хабарын чоохтирға кирек. Піс ол тоғысты уғаа аарлыға санапчабыс. Ол хабар кізілернің чуртастарын арачылапча, аннаңар піс пу тоғысха прай кӱс салчабыс. (1 Тимофейге 4:16 хығырыбызыңар.) Библияда пазылча: «Тикке алған нимелерні тиккеӧк пирібіс турыңар» (Матфей 10:7, 8). Аннаңар пу тоғыс ӱчӱн ахча албинчабыс. Худай сӧзін искіргені Иеговаа пазырыстың чардығы полча паза Иегованы часкалығ итче. Аннаңар, піреелері пісті истерге хынминчатсалар даа, піс Худай сӧзін искірерін тохтатпинчабыс.
ТИРЕҢ АРАХ ХАС КӦРІҢЕР
Библиядағы хабарны прай чир ӱстӱндегі кізілерге искірер ӱчӱн, Иегованың киречілері ниме итчеткеннерін паза ол киректе Иегова оларға хайди полысчатханын піліп алыңар.
Худай сӧзін прай чир ӱстӱнде искірчебіс: А) Коста-Рика, Б) Піріккен Штаттар, В) Бенин, Г) Таиланд, Д) Яп, Е) Швеция
4. Библиядағы хабарны полған на кізі иссін тіп, прай кӱс салчабыс
Иегованың киречілері, Худай сӧзін прай чир ӱстӱнде искірер ӱчӱн, уғаа кӧп кӱс салчалар. ВИДЕО кӧріп алып, ӱзӱрібізіңер:
-
Иегованың киречілерінің Худай сӧзін искірчеткеннері нименең хайхастығ?
Матфей 22:39 паза Римдегілерге 10:13—15 хығырып алып, пу сурығларны ӱзӱрібізіңер:
-
Хайди пістің нымысчыланызыбыс чағыннарыбысха хынчатханыбысты кӧзітче?
-
Библиядағы чахсы хабарны искірчеткеннерге Иегова хайди хайча? (15-ҷі стихты кӧріңер.)
5. Піс Худайнаң хада тоғынчабыс
Чахсы хабарны искірерінең Иегова устапчатханын кӧп кӧзідімнер кӧзітчелер. Мына пір андағ кӧзідім: Наа Зеландияда Иегованың киречізі, Пол, нымысчыланыста пір ипчее тоғас парған. Иртен ол ипчі Худайға аның адын, Иегованы, адап, пазыртыр. Пірее кізі андар килзін тіп сурынтыр. «Ӱс час пазынаң мин аның ізігінің хыринда турғам», — чоохтапча Пол.
1 Коринфтегілерге 3:9 хығырып алып, ӱзӱрібізіңер:
-
Хайди Наа Зеландияда полған киректерге тӧӧй киректер чахсы хабарны искірерінең Иегова устапчатханын кӧзітчелер?
Илҷілернің 1:8 хығырып алып, ӱзӱрібізіңер:
-
Иегова полыспаан полза, ноға піс пу тоғысты ит полбасчыхпыс?
Пілчезер бе?
Неделя сай тоғынҷаң кӱннерде иртірілчеткен чыылығларда піс чахсы хабарны искірерге ӱгренчебіс. Андағ чыылығда пірее хати полғазар ба? Андағы ӱгредігдеңер ниме сағынчазар?
6. Піс Худай пирген тоғысты итчебіс
Пастағы векте пірее кізілер чахсы хабарны искірерін тохтадарға кӱстенгеннер. Че ол тустағы христианнар чахсы хабарны искірерге праволарының ӱчӱн харбасханнар (Филипптегілерге 1:7). Пӱӱн Иегованың киречілері ідӧк тудынчалар a.
Илҷілернің 5:27—42 хығырып алып, ӱзӱрібізіңер:
-
Ноға піс чахсы хабарны искірерін тохтатпаспыс? (29, 38 паза 39 стихтарны кӧріңер.)
КЕМ-ДЕ СУРАР, АРСА: «Ноға Иегованың киречілері кізілернің иблерінзер килчелер?»
-
Хайди нандырарзар?
ӦӦН САҒЫС
Иисус ӱгренҷілеріне чахсы хабарны прай чоннарға искірерге чахығ пирген. Ол тоғысты идерге піске Иегова полысча.
Сағысха хатап кир кӧреелер
-
Хайди чахсы хабар прай чир ӱстӱне тарап парған?
-
Хайди нымысчыланызыбыс чағыннарыбысха хынчатханыбысты кӧзітче?
-
Хайди сағынчазар, чахсы хабарны искіргені ӧрініс ағылча ба? Ноға іди нандырчазар?
ХОЗА ІСТЕЗІҢЕР
Иегованың киречілері Худай сӧзін улуғ городтарда хайди искірчеткенін піліп алыңар.
«Чон кӧп орыннарда Худай сӧзін искірҷең программа. Париж» (5:11)
Пасха хазналардаң тискен кізілерге Иегованың киречілері хайди полысчалар?
«Пасха хазналардаң тискен кізілернің духовнай кирексіністерін толдырчабыс» (5:59)
Прай чуртазын Худай сӧзін искіреріне пир салған ипчі ниме чоохтапчатханын истіп алыңар.
Иегованың киречілеріне Худай сӧзін искірерге оой арах иткен юридическай чиңістердеңер піліп алыңар.
«Хан-ӱлгӱнің искірігҷілері чарғыларзар айланчалар» («Худайның Хан-ӱлгӱзі устапча!», 13-ҷі пастағ)
a Иегованың киречілерін Библиядағы чахсы хабарны искірерге Худай позы турғыс салған. Аннаңар піске кізілернің чарадии кирек чоғыл.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
